U zbuluan krimba 46 mijë vjeçarë. Ata janë bashkëkohës të mamuthëve të zhdukur prej kohësh. Ata ishin ngrirë gjatë epokës së fundit të akullit. Ato u gjetën disa vite më parë në një mostër të permafrostit siberian në një thellësi prej rreth 40 metrash. Permafrost është tokë e ngrirë përgjithmonë.
Krimbat në të ishin në kriptobiozë – një gjendje në të cilën proceset metabolike janë ndalur pothuajse plotësisht. Deri më tani, shkencëtarët kanë pasur prova se krimbat mund të kalojnë disa dekada në këtë mënyrë, shkruan Katror.info.
Ata prodhojnë sheqerin, trehalozën, e cila ndihmon në mbrojtjen e ADN-së dhe proteinave të tyre ndërsa janë në atë fazë pushimi. Duke kontrolluar bazat e të dhënave, nuk mundëm të gjenim një sekuencë të vetme gjenetike që përputhej me atë që gjetëm. Është një specie e re, tha dr. Philipp Schiffer nga Universiteti i Këlnit.
Mundesh me e lexu edhe…
Pas shkrirjes, krimbat jetuan për një muaj, por lanë pas rreth njëqind breza të rinj.
Duke studiuar këtë specie, duke krahasuar gjenomet dhe duke parë se si ata janë përshtatur me kushtet ekstreme të motit, ne mund të mësojmë shumë rreth biologjisë së ruajtjes. Ne mund të mësojmë gjëra që mund të na ndihmojnë ndoshta të shpëtojmë specie të rrezikuara dhe të mendojmë për masat mbrojtëse dhe të gjitha këto gjëra, tha Schiffer.
Shkencëtarët paralajmërojnë se me ndryshimet klimatike globale dhe shkrirjen e akullit dhe ngrirjes së përhershme, ne mund të përballemi me specie të panjohura më parë.
Nuk janë vetëm këta krimba që po shkrihen, por edhe bakteret. Mund të ketë gjëra të rrezikshme të fshehura. Nuk dua të shkaktoj alarm apo diçka të tillë, por është diçka që është e mundur, theksoi Schiffer.
Sepse ashtu si krimbat, ngrica e përhershme mund të fshehë specie të humbura prej kohësh bakteresh dhe virusesh që mund të shkaktojnë probleme shëndetësore globale si pandemia e koronavirusit. /Katror.info
Përgatiti:
