A e ke mendu ndonjëherë se nga organizatat për fuqizimin e grave përfitojmë secili nga ne?
Ngjashëm si me kauzën e feminizmit, këto grupe shpesh keqinterpretohen për shkak të fokusit të tyre në ngritjen dhe fuqizimin e grave. Si përgjigje, shumica thonë “E, burrat?” në vend që të fokusohet në faktin se burrat tashmë janë të fuqizuar nga shoqëria në një sërë formash.
Arsyeja kryesore pse këto organizata janë të nevojshme vjen me faktin se shumë gra përballen me paragjykime vetëm për faktin se janë gra.
Derisa njëri nga qëllimet kryesore të organizatave për fuqizimin e grave është t’ua kujtojnë grave vlerën e tyre, këto organizata gjithashtu përpiqen ta përmirësojnë dhe edukojnë shoqërinë në tërësi.
Si mund të përfitojnë shoqëria nga organizatat për fuqizimin e grave?
Pa gratë, shoqëria nuk është e plotë. Pra, merr kuptim kur gratë për rreth nesh i fuqizojmë dhe nuk ua mohojmë të drejtat e tyre. Shpeshherë, burrat shihen tashmë si më të rëndësishëm krahas grave, krejt kjo për shkak të standardeve të vjetruara shoqërore.
Gjithçka ka të bëjë me rritjen dhe fuqizimin e grave që të besojnë se janë të barabarta me kolegët e tyre burra. Njësoj si me shprehjen “mëso një burrë të peshkojë kësisoj e ushqen atë për një jetë.” Kur ua mëson vajzave dhe grave se meritojnë të ndihen të fuqizuara, ato do ta kenë atë mesazh me vete kudo që të shkojnë dhe do t’i kërkojnë të drejtat e tyre.
Gratë kanë këndvështrime të ndryshme për jetën krahas burrave, për shkak se ato bazohen në përvojën; Organizatat për fuqizimin e grave nxjerrin në pah këtë të vërtetë. Kur gratë fuqizohen, ato ia kthejnë botës duke përmbushur rolet, duke kontribuar në gjendjen socio-ekonomike të shoqërisë dhe duke punuar për barazi në shkallë globale.
Organizatat për fuqizimin e grave e inkurajojnë arsimin
Në vendet tranzicionale dhe të prekura nga varfëria, mundësitë për arsimim janë të rralla për gratë dhe vijnë me shumë pengesa. Arsimimi i djemve ka prioritet krahas i vajzave, që do të thotë se shumë vajza të reja rriten pa mundësinë për t’u arsimuar. Shkolla i përgatit fëmijët për një jetë të mundësive, por kur vajzat e reja privohen nga mundësia e shkollmit, shanset e tyre për të pasur sukses në të ardhmen ulen.
Shumë familje me të ardhura më të ulëta i privojnë vajzat nga shkolla, duke i bërë ato shërbyese në shtëpi. Sado të dobishme të jenë gratë në familje, kujdesi për të gjithë në shtëpi nuk duhet të jetë përgjegjësi e vajzave të reja, pasi ato meritojnë mundësinë për të lulëzuar jashtë roleve shtëpiake, duke përfshirë edhe aftësinë për t’u shkolluar.
Në vendet e zhvilluara, detyrimi i vajzave të reja ta lënë shkollimin dhe të punojnë në shtëpi është i paligjshëm dhe konsiderohet formë e abuzimit me fëmijët. Hendeku midis arsimimit të djemve dhe arsimimit të vajzave është i jashtëzakonshëm dhe organizatat feministe kërkojnë ta zgjidhin këtë disproporcion. Arsimi është çelësi për t’i thyer zinxhirët e varfërisë së brezave për vajzat e reja kudo. Ne e dimë se kur një vajzë shkollohet, e gjithë familja e saj ka prosperitet.
Vajzat frymëzohen për të kontribuar në shoqëri
Grupet që luftojnë për barazi gjinore zhvillojnë aftësitë e vajzave të reja, që të kontribuojnë në shoqëri. Kur vajzat mbështeten, kjo ndryshon tërësisht jetën e tyre. Nga ana tjetër, mirënjohja e tyre për organizatat që i ndihmuan do t’i bëjë që ato ta bëjnë këtë edhe për vajzat e tjera.
Kjo krijon një cikël të grave që mbështesin njëra-tjetrën. Vajzat rriten duke parë modele të grave të forta, duke kontribuuar në familje, komunitetet dhe shoqëri.
Ngrisin zërin e vajzave dhe grave
Ngjashëm me mënyrën se si grupet e fuqizimit të grave frymëzojnë vajzat që të angazhohem në shoqëri, ato gjithashtu u tregojnë grave se zërat e tyre kanë rëndësi. Kur je pjesë e një grupi të margjinalizuar, shpesh mund të ndihesh sikur zëri yt nuk po dëgjohet mjaftueshëm.
Por zërat e grave duhet dhe meritojnë të dëgjohen, dhe kjo është një nga aspektet më të rëndësishme të fuqizimit të grave. E gjithë premisa e lëvizjes së feminizmit është t’u kujtojë grave se ato janë po aq të denja për t’u dëgjuar sa edhe burrat.
Mjafton që dikush të besojë në këto vajza të reja dhe t’i dëgjojë ato. Kësisoj, këto vajza përfundojnë duke zhvilluar besimin në vetvete dhe ta ngrisin zërin për atë që besojnë.
Nëpërmjet organizatave për fuqizimin e grave, krijohet hapësira që ta fuqizojmë zërin e grave dhe të punojmë drejt barazisë dhe ndryshimeve pozitive në shoqëri. Në një vend që ka prioritet edukimin e djemve të rinj mbi sigurinë e vajzave, duhet të luftojmë për barazi gjinore dhe luftën për të drejtat e barabarta të grave./Katror.info