Kylie Jenner nuk është më ylli më i paguar në Instagram. Ajo u tejkalua nga Cristiano Ronaldo, i cili fiton 2.16 milionë euro për postim të sponsorizuar, ndërsa 25-vjeçarja Kylie fiton rreth 462 mijë euro më pak, shkruan Daily Mail.
Ronaldo është edhe personi më i ndjekur në Instagram – 597 milionë përdorues ndjekin rrjetin social të futbollistit të famshëm. Ronaldo pasohet nga Lionel Messi me 479 milionë ndjekës, më pas muzikantja Selena Gomez me 427 milionë, ndërsa Kylie është e katërta në listë – ajo ndiqet nga 398 milionë njerëz, shkruan Katror.info.
Futbollisti 38-vjeçar ka përjetuar një rritje të konsiderueshme vitet e fundit – në vitin 2019, ai ishte ylli i tretë i Instagramit me 872,000 euro fitime për postim të sponsorizuar.
Mundesh me e lexu edhe…
Përveç kësaj, Libri i Rekordeve Guinness njoftoi së fundmi në faqen e tij zyrtare se Ronaldo është sportisti më i paguar në botë në sezonin e fundit, pra nga 1 maji 2022 deri më 1 maj të këtij viti, në të cilin revista Forbes llogarit të ardhurat vjetore të yjeve të sportit.
Në periudhën e përmendur, Ronaldo arkëtoi 136 milionë euro, që është gjashtë milionë euro më shumë se shuma e fituar nga Leo Messi, dhe në vendin e tretë është Kyllian Mbappe, i cili fitoi 120 milionë euro. Ronaldo fitoi shumicën e të ardhurave të tij nga aktivitetet jashtë futbollit.
Kujtojmë se në fund të dhjetorit, Cristiano Ronaldo u bë lojtar i ri i Al Nassr, skuadër e ligës së parë nga Arabia Saudite. Ai ka nënshkruar kontratë për dy vite e gjysmë dhe paga e tij vjetore është rreth 200 milionë euro, por në këtë shumë është përfshirë edhe pjesa komerciale e kontratës. Kjo është paga më e lartë në historinë e futbollit, ndaj Ronaldo do të fitojë gjysmë miliardë euro gjatë kontratës. /Katror.info
Përgatiti:
