Vitet e fundit, shqetësimet për ngrënien e vezëve duket se janë larguar nga ndërgjegjja publike. Por a ka ndryshuar vërtet mendimi për vezët? Jo nëse pyesni ekspertët e të ushqyerit. “Çështja e vezëve mbetet e rëndësishme,” thotë Linda Van Horn, profesoreshë dhe shefe e divizionit të të ushqyerit në Departamentin e Mjekësisë Parandaluese në Shkollën e Mjekësisë Feinberg në Universitetin Northwestern. Për ata që tashmë janë në rrezik për sëmundjet e zemrës dhe diabetin, “zgjedhja për të ngrënë vezë mbeten veçanërisht të rëndësishme”, thotë ajo.
Është ende e rrezikshme të hash shumë vezë, por nuk duhet të heqësh dorë tërësisht prej tyre. Sa mund të hani varet nga gjendja juaj shëndetësore. Shoqata Amerikane e Zemrës rekomandon deri në një vezë në ditë për shumicën e njerëzve, më pak për njerëzit me kolesterol të lartë në gjak, veçanërisht ata me diabet, dhe deri në dy vezë në ditë për njerëzit e moshuar me nivele normale të kolesterolit. dhe që hanë një dietë të shëndetshme, përcjell TAR.
“Në vitet 1960 dhe 1970, vezët shiheshin si armiku publik numër 1 për zemrën, kryesisht sepse shkencëtarët kishin zbuluar se nivelet e larta të kolesterolit në gjak rrisin rrezikun e sëmundjeve të zemrës dhe vezët janë të larta në kolesterol”, thotë Bonnie Liebman, drejtor i të ushqyerit në Qendrën për Shkencën në Interes Publik.
Mundesh me e lexu edhe…
Megjithatë, yndyrat e ngopura në ushqime si mishi i kuq, gjalpi, djathi dhe produktet e tjera të qumështit me yndyrë të plotë rrisin kolesterolin në gjak më shumë sesa kolesterolin në vezë. Pra, vezët fillimisht morën më shumë se pjesa e tyre e fajit sesa meritonin. /Katror.info
