Me çmimet n’rritje e sipër, por edhe koston e lartë t’jetesës n’përgjithësi, secili kemi fillu me shqyrtu mundësi ma ekonomike t’përgatitjes t’ushqimit, sidomos kur bahet fjalë për çka me hangër n’pauzë.
Sanduiçi i ftohtë i pulës, përpos i lehtë me u përgatitë, asht edhe jo fort i kushtueshëm. E edhepse ky sanduiç nuk lypë shumë pare, për pauzë asht zgjidhje e mirë dhe opsion i shijshëm. Që s’don filozofi me u përgatitë e dëshmon fakti që t’duhen veç 2 minuta kohë edhe 2 hapa super t’thjeshtë. Pra, s’ke nevojë me qenë alamet kuzhinieri/e.
PËRBËRËSIT:
2 rriska buke integrale
2 rriska kashkavall
4-6 rriska proshutë pule
2 lugë majonezë (e përzime me kripë dhe biber t’zi)
2 gjethe sallate t’gjelbër
2 rriska domate
6 rriska kastravec
Mundesh me e lexu edhe…
HAPI 1:
Merr rriskat e bukës dhe vendosi paralelisht. Në njërën anë shto kashkavallin dhe proshutën e pulës, kurse tjetrën rriskë lyje me majonezë t’cilën paraprakisht e përzinë me pak kripë e biber. Shtoja rriskës sallatën e gjelbër dhe domaten, kurse sipër proshutës shtoji rriskat e kastravecave.
HAPI 2:
Bashko sanduiçin. Nëse nuk e ke n’plan me e hangër menjiherë, mbështjelle me folie letre ose alumini, vendose n’frigorifer e merre me vehte sanduiçin n’punë. Shijo!
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
Përgatiti:
