Ka disa muaj që qarkullojnë raporte të ndryshme për telefonin e ardhshëm Galaxy FE. Kështu u njohëm me shumë detaje rreth specifikave të tij dhe telefoni madje u shfaq në një foto. Është vetëm çështje kohe se kur Samsung do të shpallë datën e prezantimit të telefonit dhe tani po mësojmë detaje të reja rreth tij.
Më parë u zbulua se Samsung Galaxy S23 FE duhet të dalë në treg në tremujorin e tretë të 2023. Sipas informacioneve të fundit, Galaxy S23 FE do të lansohet muajin e ardhshëm, gjë që përkon me thashethemet e mëparshme.
Pra, më në fund, pasardhësi i telefonit Samsung Galaxy S21 FE, i cili u lansua në fillim të vitit të kaluar, duhet të prezantohet muajin e ardhshëm. Pra, mes prezantimit të këtyre dy telefonave do të kalojnë rreth 20 muaj.
Mundesh me e lexu edhe…
Specifikimet e këtij telefoni janë zbuluar edhe një herë. Samsung Galaxy S23 FE do të ketë një ekran AMOLED 6.4 inç me një shpejtësi rifreskimi 120 Hz. Nën ekran do të gjendet një skaner i gjurmëve të gishtërinjve, ndërsa nën kapakun e telefonit do të vendoset një bateri 4500 mAh me mbështetje për karikim të shpejtë 25 W.
Ky telefon do të vijë me dy versione të procesorit. Kështu, modeli Exynos 2200 do të mbërrijë në Evropë, ndërsa Galaxy S23 FE me çipin Snapdragon 8+ Gen 1 do të arrijë në tregun e Shteteve të Bashkuara.
Në anën e pasme, telefoni do të ketë tre kamera me një sensor kryesor 50 MP që do të vijë me mbështetje OIS. Përveç tij, telefoni do të ketë një sensor ultra të gjerë prej 8MP dhe një sensor telefoto prej 12MP në anën e pasme, ndërsa në pjesën e përparme do të ketë një kamerë selfie me një sensor prej 10MP.
Galaxy S23 FE do të dërgohet me Android 13 dhe One UI 5.1 dhe do të marrë katër përditësime kryesore të Android dhe pesë vjet përditësime sigurie./Katror.info
Përgatiti:
