Shkencëtarët kanë arritur një përparim të jashtëzakonshëm duke stimuluar mbaresat nervore në krahun e një pacienti të amputuar, duke i mundësuar atij të ndiejë ndjesi të nxehta dhe të ftohta përmes një proteze të avancuar.
Duke përdorur sensorë dhe pajisje të vogla termike në zonat kyçe të krahut të amputuar, studiuesit arritën të aktivizojnë ndjesitë termike të gjymtyrës fantazmë.
Pacienti Fabrizio Fidati ishte në gjendje të dallonte një shishe me ujë të nxehtë nga një e ftohtë ose me temperaturë ambienti – jo sepse proteza e tij e matte temperaturën, por sepse ai e ndiente atë përmes gjymtyrës së tij fantazmë.
Mundesh me e lexu edhe…
“Ngrohtësia është ndjesia më e bukur që ekziston,” tha Fidati, duke theksuar rëndësinë e kësaj teknologjie për përmirësimin e protezave dhe për ndërveprimin social, si shtrëngimi i duarve.
Studiuesi Solaiman Shokur, nga Instituti Federal i Teknologjisë në Lozanë, shpjegon se në vend që pacientët të ndjenin nxehtësinë apo të ftohtin në krahun e amputuar, ata tregonin një pikë specifike në protezën e tyre, duke e përjetuar atë si një ndjesi të natyrshme në dorën e humbur.
Një tjetër paciente, Francesca Rossi, përshkroi këtë përvojë si “të mrekullueshme”, duke thënë se për herë të parë gjymtyra e saj fantazmë nuk ndihej më si diçka e largët apo e pashmangshme, por si një pjesë e saj që ishte rikthyer. /Katror.info
Përgatiti:
