Shtëpia e Bardhë ka njoftuar se Kina tani po përballet me një tarifë deri në 245 për qind mbi importet në SHBA “si rezultat i veprimeve të saj hakmarrëse”, një tjetër përshkallëzim në një luftë tregtare midis dy ekonomive më të mëdha në botë.
E, si pasojë e këtyre zhvillimeve në botë, edhe në Kosovë pritet të ketë ndikim, duke ndikuar në rritjen e derivateve të naftës.
Kështu paralajmëroi për Telegrafin kryetari i Shoqatës së Naftarëve të Kosovës, Fadil Berjani. Ai gjithashtu tregoi se aktualisht çmimet e derivateve të naftës janë më të lirat në rajon.
Mundesh me e lexu edhe…
“Çmimet e derivateve të naftës sot në Kosovë sillen përafërsisht: Dizeli 1.13 cent deri në 1.21 cent, benzina 1.17 deri në 1.23 cent. Çmimet në rajon sot janë: Shqipëri – dizeli 1.78 cent, benzina 1.79 cent; Serbi – dizeli 1.79 cent, benzina 1.80 cent. Kosova me çmimet e derivateve është më e lira në rajon”, deklaroi ai.
Bernjani tha se rritja e derivateve të naftës mund të ndodhë për shkak të sanksioneve të Amerikës ndaj Kinës.
“Sot pati një raund të ri sanksionesh të Amerikës ndaj Kinës, për shkak se po blen naftë nga Irani. Kjo bëhet me qëllimin për të dobësuar Iranin që të mos lejohet të eksportojë, derisa të arrihet marrëveshje për programin nuklear (për heqjen dorë nga prodhimi i armëve bërthamore). Mesa shihet, duket se është në rritje trendi”, paralajmëroi ai.
Ai shtoi tutje se “Përveç kësaj, edhe Arabia Saudite u ka vënë ultimatum 8 pjesëtarëve të OPEC-ut që të reduktojnë prodhimin pak, sepse ka interes të rritet çmimi për të balancuar deficitet buxhetore”.
Ndryshe, Trump vendosi një tarifë prej 10 për qind për importet nga të gjitha vendet. Ai ka ndaluar përkohësisht tarifat shtesë “reciproke” të vendosura individualisht për secilin vend në varësi të barrierave tregtare me të cilat përballen SHBA-ja, për të lënë kohë për negociata për marrëveshje të reja.
Përjashtim nga kjo pauzë është Kina, e cila po përballet me tarifa gjithnjë e më të larta nga SHBA dhe ka reaguar mes kundërmasave të tjera.
Administrata Trump kishte paralajmëruar vendet që të mos hakmerren kundër tarifave të saj, dhe se do të shpërbleheshin për ta bërë këtë. /Telegrafi /Katror.info
Përgatiti:
