Nëse ndiheni të lodhur dhe pa motivim, sidomos në dimër kur ditët janë të shkurtra dhe të errëta, një ‘dopamenu’ mund të ndihmojë.
Kjo është një meny personale e aktiviteteve që stimulojnë dopaminën neurotransmetuesin që ndikon në motivim, fokus, vendimmarrje dhe mirëqenie emocionale.
Koncepti u krijua nga Eric Tivers, trajner për ADHD, i cili e përshkruan dopamenunë si një kombinim mes një projekti krijues dhe një plani të vetëkujdesit.
Mundesh me e lexu edhe…
Ai shpjegon se njerëzit me ADHD shpesh funksionojnë sipas një sistemi nervor të bazuar në interes, çka e bën të vështirë për ta përfundimin e detyrave të mërzitshme.
Për ta dhe për këdo që kërkon më shumë motivim, një dopamenu mund të jetë zgjidhja.
Si ta krijoni një dopamenu?
Mënyra më e mirë është ta përgatitni paraprakisht dhe ta vendosni në një vend të dukshëm.
Ajo mund të ndahet në katër kategori:
- Nxitës të lehtë – aktivitete të shpejta dhe të lehta, si një shëtitje e shkurtër apo një këngë e preferuar.
- Pjata kryesore – angazhime më të gjata, si një projekt krijues apo një seancë stërvitjeje.
- Speciale – aktivitete të rralla, si një koncert apo një udhëtim.
- Ëmbëlsira – kënaqësi si shikimi i një serie apo scrolling në rrjete sociale, por me masë.
Eksperimentoni me kohën dhe frekuencën e përdorimit për të parë çfarë ju funksionon më mirë. Një dopamenu është një proces në zhvillim ndryshojeni sipas nevojave dhe situatave.
Qëllimi është të përmirësojë cilësinë e jetës suaj dhe t’ju ndihmojë të ndiheni më të motivuar dhe të fokusuar./Katror.info
Përgatiti:
