Snapchat ka prezantuar një funksionalitet të ri të quajtur Home Safe, që u mundëson përdoruesve të njoftojnë automatikisht miqtë e tyre kur arrijnë të sigurt në shtëpi — pa pasur nevojë të dërgojnë mesazh manualisht.
Përdoruesit mund të vendosin vendndodhjen e shtëpisë së tyre përmes Snap Map, duke shtypur mbi Bitmoji-n e tyre dhe zgjedhur opsionin “Shtëpia ime”. Kjo vendndodhje është e dukshme vetëm për ta dhe për miqtë me të cilët ndajnë lokacionin.
Për ta përdorur funksionin, mjafton të hapni bisedën me mikun, të prekni ikonën e hartës dhe të zgjidhni “Shtëpi e Sigurt”. Kur të ktheheni në shtëpi, mikut tuaj do t’i shfaqet njoftim automatik në chat.
Mundesh me e lexu edhe…
Snap Map është një nga opsionet më të përdorura në aplikacion, me mbi 400 milionë përdorues aktivë çdo muaj, që e përdorin për të ndjekur miqtë dhe për të eksploruar vende të reja.
Kujtojmë që më herët, Snapchat kishte shtuar funksione për Family Center, ku prindërit mund të marrin njoftime nëse fëmijët largohen nga shtëpia ose shkolla./Katror.info
