Një kompani australiane po zhvillon një rrotë të madhe rrotulluese për ski — një lloj “fuçi” gjigante bore — që synon t’u ofrojë qytetarëve përvojën e skijimit në dëborë të freskët, pa pasur nevojë për një udhëtim të gjatë drejt maleve.
Edhe pse skijimi në ambiente të mbyllura nuk është risi, ndërtimi dhe mirëmbajtja e pistave moderne po bëhen gjithnjë e më të kushtueshme e kërkojnë hapësira të mëdha. Kina, si zakonisht, po udhëheq me projekte gjigante: në Shenzhen po ndërtohet një resort me pistë 441 metra të gjatë, që shtrihet në një sipërfaqe sa 11 fusha futbolli dhe me ashensorë që ngjiten në një lartësi prej 83 metrash, shkruan OGN Daily, përcjell Katror.info.
Krahas kësaj galaktike, ideja e “Snowtunnel” vjen si një alternativë më kompakte dhe inovative. Projekti përfshin një cilindër të madh rrotullues që krijon një pistë të pafund bore gjithmonë të freskët, duke kërkuar shumë më pak tokë dhe investim fillestar.
Mundesh me e lexu edhe…
Megjithatë, edhe këto “hamster wheel” për ski nuk janë të vogla: secila do të ketë 12.5 metra në diametër dhe 16 metra në gjatësi — afërsisht sa një pistë mesatare skijimi, ose sa një ndërtesë katërkatëshe.
Parku i parë “Snowtunnel” pritet të hapet në vitin 2027, me lokacionin që do të bëhet publik gjatë vitit të ardhshëm — dhe më së shumti gjasash do të jetë në Australi. /Katror.info
Burimi: Only Good News Daily
Përktheu dhe përshtati: Katror.info
