Kombëtarja e Shqipërisë nis sonte rrugëtimin e saj në kualifikueset për Kupën e Botës 2026, duke u përballur me Anglinë në mitikun ‘Wembley’. Ky është testi i parë për kuqezinjtë në këtë cikël kualifikues, përballë një prej ekipeve më të forta të futbollit evropian.
Ekipi shqiptar ka zhvilluar përgatitjet e fundit në Londër, ku trajneri Sylvinho ka theksuar rëndësinë e kësaj sfide. Në konferencën për shtyp para ndeshjes, tekniku brazilian u shpreh optimist, duke theksuar se ekipi do të japë maksimumin për të arritur një rezultat pozitiv.
Nga ana tjetër, Anglia konsiderohet favorite në këtë përballje, duke pasur në dispozicion një skuadër me lojtarë të nivelit të lartë. Pavarësisht kësaj, Shqipëria udhëton në këtë sfidë me synimin për të treguar një paraqitje dinjitoze dhe për të kërkuar surprizën ndaj “Tre Luanëve”.
Mundesh me e lexu edhe…
Ndeshja Angli – Shqipëri do të zhvillohet sonte me fillim nga ora 20:45, ndërsa tifozët kuqezi pritet të jenë të pranishëm në stadium për të mbështetur kombëtaren../Katror.info
Përgatiti:
