“Prishtina International Film Festival”, “PriFest” hap siparin sot në Prishtinë.
Me moton “For Her”, ky edicioni i kushtohet themelueses dhe drejtoreshës së këtij festivali Vjosa Berisha, e cila ndërroi jetë në qershor të këtij viti. Festivali do tw zgjasw deri mw 25 shtator.
Çmimi kryesor që ndan festivali, “Hyjnesha e kuqe për filmin më të mirë Ballkanik”, nga ky vit do të mbajë emrin – Vjosa Berisha.
Mundesh me e lexu edhe...
Dhjetëra filma shqiptarë dhe të huaj do të shfaqen në disa kategori garuese të këtij festivali, këtë edicion.
Fatos Berisha, drejtor Artistik i “PriFest”-it thotë se “PriFest” do të mbahet në 3 lokacione, në Kino Armata, Kino ABC dhe Amfiteatrin e Muzeut të Kosovës.
“Për shkak të renovimit të Teatrit Kombëtar këtë vit lokacioni kryesor i festivalit do të jetë Kino Armata. Festivali i dedikohet drejtoreshës së ndjerë Vjosa Berisha”, thotë Berisha.
Ndërkaq, shton ai, sikur çdo vjet, programi përcjellës i festivalit që i kushtohet industrisë rajonale filmike, ‘Prishtina Film Forum’ do të ketë program të larmishëm me garën e projekteve ‘Best Pitch’” takimet e producentëve me distributorët ‘Prishtina Rendezvous’ si dhe programi ‘PriView’ i shfaqjes së filmave vendor që janë në fazën e montazhit të hershëm para distributotëve evropian.
“Po ashtu do të ketë trajnime dhe panel diskutime. Në ‘PriForum’ do të marrin pjesë edhe filmbërësit Ukrainas me projektet e tyre”-potencoi Berisha.
Edhe këtë edicion, filmat në kategori të ndryshme do të garojnë për çmimet: “Hyjnesha e kuqe për filmin më të mirë Ballkanik”; “Hyjnesha e Artë për regjisorin më të mirë”; “Hyjnesha e Artë për aktoren më të mirë”; “Hyjnesha Artë për çmimin e aktorit më të mirë”.
Do të ndahen dhe çmimet për filmin më të mirë të shkurtër, të mesëm dhe dokumentar.
Një biletë për një film të gjatë do të kushton 3 euro, sikurse edhe për një bllok filmash të shkurtër apo të metrazhit të mesëm. Komuniteti i kineastëve dhe mediat e akredituara sikurse edhe pensionistët kanë qasje falas.
Përgatiti:
