Fondi i Kosovës për Efiçiencë të Energjisë (FKEE) sot shpalli thirrjen e dytë publike për projektin “Zbatimi i masave të efiçiencës së energjisë për shtëpitë individuale të banimit”.
Qytetarët tani kanë mundësinë të përfitojnë nga një projekt i ri që ofron subvencione për izolimin e shtëpive dhe pajisjeve efikase të ngrohjes. Ky program synon të ndihmojë familjet për të përmirësuar efikasitetin energjetik dhe për të ulur shpenzimet për energji.
Projektin e ri “Zbatimi i masave të efiçiencës së energjisë për shtëpitë individuale të banimit” ofron mundësinë për subvencionim deri në 45% të shumës së shpenzuar për izolimin e shtëpive, përfshirë izolimin e kulmeve dhe ndërrimin e dritareve dhe dyerve të jashtme. Në rastet kur shtëpia është në pronësi të çiftit ose të gruas, është paraparë një bonus prej 5%.
Mundesh me e lexu edhe...
Këtë vit, synohet që të subvencionohen 1,300 familje. Aplikimi për subvencionet është i hapur për një periudhë të kufizuar prej dy javësh, për të siguruar që më shumë qytetarë të mund të përfitojnë nga kjo mundësi.
Ky projekt ka për qëllim të ndihmojë në përmirësimin e kushteve të jetesës dhe të kontribuojë në uljen e faturave të energjisë. Duke ofruar mbështetje për investime në izolim dhe pajisje efikase, kjo iniciativë është një hap përpara në përpjekjet për të bërë shtëpitë më të ngrohta dhe më efikase energjetikisht.
Aplikimi për të përfituar nga këto masa përfshinë:
- Hapjen e llogarisë në e-Kosova;
- Verifikimi i konsumimit të energjisë përmes kësaj platforme;
- Nëse kalojnë kriterin e konsumit të energjisë, të angazhojnë një auditor të energjisë i cili do të bëjë raportin e thjeshtëzuar të auditimit;
- Pasi të marrin këtë raport të thjeshtëzuar të auditimit, mund të fillojnë aplikimin në e-Kosova, duke plotësuar të gjitha fushoret dhe duke ngarkuar raportin e auditimit.
Procesi i aplikimit do të hapet nesër./Katror.info
