Sipas një studimi të ri, djemtë e grave që pinë duhan gjatë shtatzënisë janë më të prekur nga efekte të dëmshme shëndetësore afatgjata se vajzat e tyre.
Studiuesit nga Universiteti i Aberdeenit analizuan të dhënat e 500,000 njerëzve në Mbretërinë e Bashkuar për të vlerësuar lidhjet gjenetike, shkruan BBC, transmeton Katror.info.
Ata thanë se rezultatet tregonin se burrat e lindur nga nëna që kishin pirë duhan gjatë shtatzënisë kishin më shumë gjasa të vdisnin më të rinj nëse vetë pinin duhan më vonë në jetë.
Mundesh me e lexu edhe...
Ekipi kërkimor tha se shpresonte që gjetjet të ndihmonin komunitetin mjekësor në zhvillimin e strategjive të reja këshilluese për duhanpirësit.
Studimi dhe të dhënat e analizuara
Ekipi analizoi marrëdhënien gjenetike midis nënave dhe fëmijëve të tyre të rritur, duke përdorur të dhëna nga 500,000 individë në 22 qendra në Skoci, Angli dhe Uells.
Ata zbuluan se, në çdo fazë, fetuset meshkuj dhe djemtë e rritur ishin më të prekur nga pirja e duhanit nga nëna gjatë shtatzënisë sesa femrat.
Kjo u tregua nga ndryshimet në nivelet e gjeneve të ndryshme në mëlçinë e fetusit mashkull që në javën e 17-të të shtatzënisë, deri te jetëgjatësia më e shkurtër te meshkujt e rritur.
Megjithatë, autorët theksuan se nëse një burrë i rritur ndalon duhanin ose nuk e ka pirë kurrë, ai mund të shmangë rreziqet e shëndetit të lidhura me pirjen e duhanit./Katror.info
Përgatiti:
