Supat e shtëpisë janë ushqim ideal në kohët e vranëta e me shi, sidomos nëse janë të marume me perime t’freskëta. Megjithatë, njeriu gjithmonë kërkon mënyra t’lehta e t’thjeshta për me ja ba vehtes qejfin, e receta e radhës asht prej t’tillave.
Supa me lulelakër asht prej supave ma kremoze, por edhe ma t’shijshme t’cilat mundesh me i përgatitë pa u harxhu shumë. Poashtu, shije t’veçantë kësaj supe i jep lulelakra e pjekun fillimisht me erëza e që nime e ban diferencën prej supave t’tjera. Plus, për kando që asht vegjetarian a vegan, kjo supë asht perfekte, sepse nuk përmbanë produkte shtazore. Besa, asht e mirë edhe për ata që kanë probleme me yndyrën n’gjak, ose që synojnë me humbë peshë.
PËRBËRËSIT:
1 lulelakër (e prerë n’copa)
1 qepë e bardhë ose e verdhë (e prerë n’gjysmë)
3-4 thelpinj hudhër
2 lugë vaj ullini
1 lugë çaji kanellë
1/2 lugë çaji Këri (Curry powder)
1/2 lugë çaji kopër t’thatë
Kripë e biber t’zi (Opsionale)
4 gota supë perimesh (1 kubëz supe me 750 ml ujë)
Mundesh me e lexu edhe…
- Advertisement -
HAPI 1:
Vendosi perimet n’nji tepsi t’mbështjellun me folie alumini. Spërkati perimet me vajin e ullinit dhe sipër shto erëzat. Pjeki n’furrë n’200 C për 30 minuta.
HAPI 2:
Vlo ujin dhe shto kubin e supës. Largo perimet prej tepsisë (leji disa copëza lulelakre për ma vonë) dhe bashk me supën shtoji n’blender. Bluji perimet deri sa t’krijohet nji masë e njitrajtshme. Servo n’pjata menjiherë e sipër shto lulelakrat e mbetuna. Dekoro pjatën me magdanoz t’freskët e pak fara kungulli ose badema t’pjekun.
- Advertisement -
REZULTATI:
Servoje supën me pak bukë t’rreshkun ose me keksa t’njelbët. Pjesën që t’tepron fute n’tegëll ose shishe t’xhamit e ruje n’frigorifer. Kësisoji, supa qëndron për 2 ditë dhe mundesh edhe n’punë me marrë me vehte. Shijo!
Mbasi veç jemi te supat, ne ta sygjerojmë edhe supën me thjerrëza e limon – supë kjo që ja vlenë me e provu, po aq sa supa me lulelakër. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
