Sa ma e thjeshtë receta e nji pjate, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ja huqë po i ndjeke udhëzimet.
Kungulleshat e pjekuna n’tavë me sos beshamelli janë pikërisht nji prej recetave ma t’thjeshta e t’lehta me u përgatitë, e që munden me u kombinu lehtësisht me çdo kombinim mishi a perimesh tjera t’përgatituna. Thjeshtë, mirë dhe me pak përbërës, kjo tavë s’ka qysh dështon.
PËRBËRËSIT:
4 kungullesha (t’prera n’rriska)
3 lugë gjelle vaj ullini
Lëvorja e 1 limoni (e grirë imët)
250 gr kashkavall (i grirë)
70 gr parmezan (i grirë)
70 gr prezlle / thërrmija buke
1 thelb hudhër (e grirë imët)
2 lugë gjelle miell
1 lugë gjelle gjalpë
1 e 1/2 gotë qumësht
1 lugë e mesme kripë
2 lugë t’mesme biber i zi
HAPI 1:
N’tenxhere shto gjalpin dhe leje meu shkri. Shto miellin dhe përzije masën për 2 minuta, pastaj shto hudhrën e grirë, kripën.
Mundesh me e lexu edhe…
HAPI 2:
Shto qumështin gradualisht dhe grimcat e lèvores t’limonit e pèrzije me tel kuzhine masën vazhdimisht, deri sa t’krijohet nji masë e qullët por kremoze beshamelli.
HAPI 3:
Lyje tepsinë / tav me vaj ullini e pastaj rriskat e rrumbullakëta t’kungulleshës vendosi sipër njana tjetrës n’tepsi deri sa t’mbulohet e gjithë tepsia. Shto biberin e zi sipër tyre dhe me lugë shpërndaje sosin e beshamellit deri sa t’mbulohen krejt kungulleshat.
HAPI 4:
Sipër kungulleshave me beshamell shto parmezanin e grirë dhe prezllet, deri sa e gjithë tepsia t’mbulohet me djathë e prezlle. Vendose tavën / tepsinë n’furrë t’nxehtë paraprakish n’200 C për 40-45 minuta – deri sa sipërfaqja t’merr ngjyrë t’artë. Largo tepsinë dhe servo.
REZULTATI:
Për ekstra shije shto borzilok t’grirë sipër tavës me kungulleshë dhe servo qoftë me salmon t’pjekun me hudhër dhe erëza e me sallatë molle me arra, me pulë me marinadë greke dhe sallatë t’përzier me zarzevate, apo me qofte pule dhe sallatë lebaneze t’lakrës. Ngjashëm sikurse këtë recetë, ti mundesh me i përgatit’ edhe patatet me sos beshamelli t’pjekuna n’furrë.
E nëse je n’kërkim t’recetave interesante t’sallatave, atëherë mos e le pa e provu sallatën krokante me qiqra, sallatën e patateve me pesto, ose sallatën mediterane me patate. Gjithashtu, 3 kuskus sallata-t tona ja vlenë me i përgatitë e hangër nëse ke qejf n’sallata t’ngopshme e plot shije, e që lehtësisht përgatiten brenda pak minutave. Shijo!
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
