Këngëtarja, Taylor Swift, ka bërë histori duke e kaluar reperin Drake, pasi u bë artistja më e dekoruar në historinë e çmimeve nga “Billboard Music Awards” (BBMA).
Këtë javë, ajo ka fituar 10 çmime të tjera, duke e çuar totalin e saj në 49.
Çmimet janë dhënë në një ceremoni në MGM Grand Garden Arena në Las Vegas, ka raportuar FemaleFirst.
Mundesh me e lexu edhe…
Fituese e shumë kategorive të rëndësishme, Swift mori çmime si “Artistja më e mirë”, “Artistja më e mirë grua”, “Artistja më e mirë në Billboard 200”, “Albumi më i mirë në Billboard 200” me albumin “The Tortured Poets Department”, “Artistja më e mirë në Hot 100”, “Kompozimi më i mirë në Hot 100”, “Artistja më e mirë në Radio Songs”, “Artistja më e mirë globale në Billboard 200”, “Artistja më e mirë jashtë SHBA-së”, dhe “Artistja më e mirë në platforma transmetuese”.
Para marrjes së këtyre çmimeve ajo kishe numër të barabartë me Draken. të dy kishin nga 39 çmime. Swift tani mban rekordin me 49 çmime nga “BBMA”, duke e kaluar reperin.
Megjithatë, edhe Drake pati një natë të suksesshme, duke fituar tri çmime të tjera, përfshirë “Artistin më të mirë të repit”, “Artistin më të mirë burrë të repit”, dhe “Albumin më të mirë rep” për albumin “For All the Dogs”.
Swift ka falënderuar fansat e saj, duke theksuar se çmimet e Billboard janë në thelb çmime të votuar nga fansat, pasi ato pasqyrojnë muzikën që ata dëgjojnë.
“Faleminderit për çmimet ‘Billboard’. Faleminderit fansave, sepse ‘Billboard’ po i llogarit gjërat tuaja. Ata po llogarisin atë që dëgjoni, albumet për të cilat jeni të pasionuar dhe prandaj i shoh këto si çmime të votuara nga fansat, sepse ju jeni ata që i bëni interesant albumet tona dhe vini të na shihni në koncerte”, ka thënë Swift përmes një videomesazhi.
Swift gjithashtu ka folur për suksesin e turneut të saj “The Eras Tour” dhe të albumit “The Tortured Poets Department”, duke thënë se ishte shumë e lumtur që fansat e kishin përqafuar muzikën e saj.
“Kjo është dhurata më e bukur e ditëlindjes që mund të më keni dhënë. Kështu që, faleminderit shumë, e dua shumë. Është saktësisht ajo që doja”, ka thënë ajo.
Ceremonia e ndarjes së çmimeve u udhëhoq nga aktorja Michelle Buteau, ku pati performanca nga artistë të ndryshëm si Megan Moroney, Jelly Roll dhe Shaboozey./Katror.info
Përgatiti:
