Legjislatura e nëntë e Kuvendit të Kosovës pritet të ketë 120 deputetë, prej tyre 45 pritet të jenë gra.
Kjo i bie 37.5 për qind e përfaqësuesve të popullit janë gra.
Seanca për konstituimin e kësaj legjislature është thirrur më 15.04.2025.
Mundesh me e lexu edhe…
Nga partia që ka dalë e para në zgjedhje, Lëvizja Vetëvendosje që mori 48 mandate deputetësh, gratë morën 22 mandate, nga kjo parti asnjë grua nuk ka hyrë në Kuvend për shkak të kuotës gjinore, shkruan Kallxo.com.
Lëvizja Vetëvendosje, në Kuvend pritet të ketë këto deputete gra: Albulena Haxhiu, Donika Gërvalla-Schwarz, Mimoza Kusari- Lila, Shqipe Mehmeti- Selimi, Saranda Bogujevci, Edona Llalloshi, Jeta Statovci, Albena Reshitaj, Artane Rizvanolli- Berisha, Adelina Grainca, Arbëreshë Kryeziu- Hyseni, Arbërie Nagavci, Liza Gashi, Labinotë Demi- Murtezi, Fjolla Ujkani, Fitore Pacolli- Dalipi, Adriana Matoshi, Drita Pajaziti, Arjeta Fejza, Fatmire Kollçaku, Arijeta Rexhepi dhe Rozeta Hajdari.
24 mandate i ka fituar Partia Demokratike e Kosovës, nga këto mandate, 8 janë gra. Tri nga to (Eliza Hoxha, Arbnore Salihu dhe Kosovare Murseli) kanë hyrë në Kuvend përmes kuotës gjinore prej 30 për qind.
Në Kuvend, nga PDK do të jenë këto deputete: Vlora Çitaku, Sala Jashari, Ganimete Musliu, Blerta Deliu- Kodra, Ariana Musliu- Shoshi, Eliza Hoxha, Arbnore Salihu dhe Kosovare Murseli.
Lidhja Demokratike e Kosovës, ka fituar 20 mandate në Kuvend. Prej këtyre mandateve, gjashtë nga to janë gra. Serbeze Muçaj dhe Arjeta Abazi kanë hyrë në Kuvend përmes kuotës gjinore.
LDK në legjislaturën e nëntë do të ketë këto deputete gra: Doarsa Kica- Xhelili, Hykmete Bajrami, Jehona Lushaku- Sadriu, Marigona Geci, Serbeze Muçaj dhe Arjeta Abazi.
Koalicioni AAK- NISMA ka fituar 8 mandate, prej tyre tri janë gra. Time Kadrijaj dhe Arbëreshë Krasniqi kanë hyrë në Kuvend sipas renditjes, kurse Xhevahire Izmaku në bazë të kuotës gjinore.
Lista Serbe ka fituar 9 mandate të Kuvendit të Kosovës, prej tyre tri janë gra të cilat kanë hyrë në Kuvend pa kuotë gjinore. Gratë përfaqësuese në Kuvend nga kjo parti janë: Liljana Stefanoviq, Verica Çeraniq dhe Miljana Nikoliq.
Partia Demokratike Turke e Kosovës ka dy deputetë në Kuvend, njëra nga to është Fidan Jilta e cila ka fituar mandatin përmes kuotës gjinore.
Emilja Rexhepi nga Partia e Re Demokratike ka fituar mandatin pa kuotën gjinore, ngjashëm edhe Duda Balje nga Unionit Socialdemokrat.
Komisioni Qendror i Zgjedhjeve (KQZ) ka certifikuar rezultatin e Zgjedhjeve të 9 shkurtit 2025: me 9 vota për dhe 2 kundër në mbledhjen e saj, më 27.03.2025.
Në zgjedhjet e 9 shkurtit garuan 27 subjekte politike me gjithsej 1232 kandidatë. /Katror.info
Përgatiti:
