Organizata Joqeveritare “TOKA” për herë të parë shpërbleu të gjithë ata që kontribuan me vullnetarizëm në Kosovë, si, individë, institucione e grupe qytetarësh, për vullnetarizmin e treguar në fusha të ndryshme, në Ditën Ndërkombëtare të Vullnetarizmit.
Fushata e nisur nga TOKA” në maj 2024 u mbështet nga mbi 50 bashkëpunëtorë , përfshirë Presidenten, Kryeministrin, ambasadat, komunat dhe organizata të ndryshme.
Kjo konferencë për herë të parë i mirënjeh jo vetëm të rinjët po edhe shumë pjesëtarë të tjerë që angazhohen vullnetarisht apo e mbështesin vullnetarizmin, tha drejtoresha ekzekutive e organizatës, Hatixhe Zeka.
Mundesh me e lexu edhe…
“Toka si oganizata më e madhe e vullnetarizmit në Kosovë, ka bashkëpunuar me shumë nga ju ndër vite dhe për ne është bërë e qartë që në Kosovë, qytetarë e institucione angazhohen për të mirë,” theksoi ajo.
“Të gjithë ne kemi nevojë për inspirim, ‘Toka’ e ka marrë këtë iniciativë por nuk e konsiderojmë vetën pronar të saj, jemi thellësisht mirënjohës që mbi 50 institucione, e organizata u bënë pjesë e këtij vizioni, duke filluar nga Presidentja dhe Kryeministri, e deri tek organizatat më të vogla komunitare, e që falë këtij bashkëpunimi morëm 100 nominime mbresëlënëse” tha ajo.
Sipas saj, ajo çka na duhet më së shumti është angazhimi dhe bashkëpunimi i të githëve, secili me mundësitë që ka, në mënyrë qe shifra e ulët e pjesëmarrjes së Kosovës në vullnetarizëm, nga 10% të rritet deri në 50% për 5 vite, duke pasur parasysh natyrën solidarizuese të qytetarëve të Kosovës , si dhe energjinë, e që na karakterizon ne si popull.
“Cdo vit do të rritemi e do të forcohemi së bashku, do të zbulojmë heronj të rinj të komunitetit, e çdo vit do t’i afrohemi më shumë vizionit tonë për një Kosovë ku vullnetarizmi është pjesë e pandashme e shoqërisë,” përfundoi ajo.
Donarta Fetahu, pjesë e organizatës ‘Toka’ që 8 vite, vlerëson se kjo organizatë e ka ndihmuar rritjen e saj profesionale, dhe në rrjetizimin me organizata të tjera të formatit të tillë.
Albin Ademaj, një vullnetar shumëvjeçar angazhimi i të cilit ka filluar si lider i klubeve rinore e më pas si nje edukator i kampeve rinore të tokës, thekson se ky kontribut ka ndikuar në punën e tij, për ndryshime në komunitet.
“Kampanja e çmimeve të vullnetarizmit, më ka ndryshuar mendimin që vullnetar mund të jetë gjithësecili nga ne me kontributin e caktuar, mund të jenë pronar biznesi, figurë publike, po ashtu përfaqësues të institucioneve, si dhe përfaqësues të diasporës, secili nga ta, afër apo larg, mund të bëj ndryshime të mëdha në Kosovë,” vlerëson ai.
Ministri i Kulturës, Rinisë dhe Sportit, Hajrulla Çeku, u shpreh se këto çmime synojnë të njohin kontributet vullnetare të të rinjëve, dhe të tregojnë se puna vullnetare vlerësohet edhe në Kosovë.
“Bashkëpunimi i mirë në mes institucioneve tona publike, Tokës, dhe shoqërisë civile, në përgjithësi, vazhdojë të jap fryte edhe më tutje për të rinjët dhe të rejat e Kosovës,” theksoi ai.
“Në gusht hyri në fuqi ligji për rininë i cili bënë ristrukturimin e plotë të fushës së rininë në vendin tonë. Vullnetarizmi rinor i cili rregullohet me akt te veçantë trajtohet si fushë me interes të veçantë për brezat e rinj. Ndryshe nga e kaluara, vullnetarizmi tashmë trajtohet përtej vetëm orëve vullnetare që kryen një i ri, por përfshin në kornizën e vullnetarizimit edhe ofruesit e vullnetarizimit rinor si institutcione publike, sektori privat, shkollat, mësimdhënësit”u shpreh ministri.
Sipas tij, çdo investim për brezat e rinj, është investim i garantuar në të mirën e shoqërisë.
Çmimet u ndanë sipas rendit të mëposhtëm:
Çmimi ‘Vullnetari më guximtar të vitit’ , Gazmend Hasani nga Mitrovica, i cili u angazhua në mbrojtjen e mjedisit, duke angazhuar edhe vullnetarë tjerë.
Çmimi ‘Vullnetari më kreativ i vitit’, iu nda 15 vjeçarit, Dion Istrefi, ku përmes gjimnazit ‘Frang Bardhi’ ka organizuar panaire, ekspozita, por edhe ndërgjegjësim për rreziqet nga lajmet e rreme.
Çmimi ‘Vullnetarja e vitit’ iu dha Viola Maksutit, e cila kontriboi me 900 orë punë vullnetare në shumë projekte dhe promovim të barazisë gjinore.
Pesë vulletarë tjerë me mirënjohje të veçanta: Rea Gojani, Eronita Krasniqi, Vali Ibrahimi, Filloreta Hoti dhe Kimete Arifaj.
Çmimi kombëtar për Vullnetar Edukativ iu dha ekipit ‘Kikirikët’ nga Prishtina, ku nga projekti i tyre kanë përfituar 200 persona.
Komuna më përkrahëse e vitit’, u shpall Komuna e Hanit të Elezit.
Çmimin për biznesin më mbështetës të vullnetarizmit për 2024’, e mori ‘Kutia’ e cila ndau 10 mijë euro buxhet për projekte vullnetarizmi, bursa për vajza në Teknologji si dhe trajnime’.
Mirënjohje e veçantë ‘biznesi më përkrahës i vitit’, e mori ‘Meridian Express’, i cili dhuroi mbi 50 mijë euro për kauza vullnetare ndër vite.
Çmimi Ambasadori i disaporës më përkrahës i vitit iu dha Bujar Nezirit, kryetar i klubit futbollistik ‘Kosova Dusseldorf’ për udhëheqje të shumë aktiviteteve të vullnetarizmit dhe mbledhje të fondeve mbi 200 mijë euro.
Çmimi ‘Figura publike më përkrahëse e vitit’ iu dha Donika Shahini-Lami e cila ka kontribuar në ruajtjen e artefakteve historike për më shumë se 25 vite.
TOKA, ndihmon vajzat dhe djemtë, sidomos ata në kushte të vështira sociale, të bëhen qytetarë aktivë dhe të motivuar. Programet e arsimit dhe zhvillimit të rinisë kanë ndihmuar mbi 30,000 të rinj, duke përdorur vullnetarizmin afatgjatë dhe mësimin praktik për t’i zhvilluar ata. /Katror.info
Përgatiti:
