Çdo vit, Tom Cruise u dërgon të njohurve të tij një dhuratë të pazakontë për Krishtlindje. Bëhet fjalë për një tortë me çokollatë të bardhë dhe kokos, e cila tashmë njihet si “torta e Tom Cruise” në mesin e njerëzve të famshëm.
Aktorja Cobie Smulders, e njohur për publikun tonë për rolin e Robin në serialin humoristik “Si e takova nënën tënde”, ishte e ftuar në emisionin e humoristit amerikan Jimmy Fallon. Në bisedë ndër të tjera u prek edhe festa e Krishtlindjeve, ndërsa interesimin e veçantë të publikut e ka shkaktuar entuziazmi i saj për dhuratën që Tom Cruise i dërgon çdo vit për Krishtlindje.
Aktorja xhiroi filmin “Jack Reacher” me Tom në vitin 2016 dhe që atëherë ata kanë pasur marrëdhënie të shkëlqyera.
Mundesh me e lexu edhe…
Aktorja tregoi se Tom ia dërgon këtë tortë çdo Krishtlindje. “Është një tortë me kokos me çokollatë të bardhë dhe duhet ta pranoj se është e shijshme”, tha ajo. Cobie i bëri të pranishmit edhe për të qeshur pasi dukej se mezi po e priste me padurim këtë dhuratë modeste dhe shumë u magjepsën nga fakti që e mbajti për gati tre muaj.
“E mbaj në frigorifer dhe zgjat deri në mars se marr shpesh një copë”, shtoi me buzëqeshje aktorja e njohur.
Tom Cruise e praktikon këtë prej vitesh, dhe VIP-ave që ia dhuron janë të shumtë si për shembull: Kristen Dunst, Henry Cavill dhe James Corden.
Aktori tha se tortën për festat e Krishtlindjeve ua dërgon një sërë të njohurve dhe arsyeja pse e bën këtë është disi e pazakontë. Përkatësisht Tom Cruise zbuloi se i pëlqejnë ëmbëlsirat, por edhe se i ha rrallë për shkak të stërvitjes. Ai mezi pret veçanërisht festat kur mund të konsumojë tortën e tij të preferuar dhe në të njëjtën kohë të ndajë pasionin e tij për ëmbëlsirën me njerëzit e afërt.
Përgatiti:
