Ne jetë secili nga ne përballet me sfida dhe vështirësi, që për nga mënyra se si na afektojnë mund të jenë edhe demoralizuese, por ajo që e determinon fatin tonë nuk janë sfidat, janë mënyrat se si ne zgjedhim t’i kapërcjemë ato, apo edhe t’i transformojmë në shkallë për tu ngjitur më lartë suksesit.
Një shembull se si përjetimet personale kthehen në kauza që lehtësojnë jo vetëm jetën personale të individit, por një pjese të madhe të shoqërisë është edhe Elvana Shala, e cila me vullnetin e saj është bërë zë i atyrë që nuk dëgjohen.
‘’Realisht, motivi kryesor për të qenë zëri i të gjithë atyre që kanë nevojë për mbështetje, ndoshta ka ardhë nga sfidat personale të jetës të cilat i kam kaluar që kur isha fëmije deri në ditët e sotme, dhe jo më kotë thuhet që kur e përjeton vet e kupton më mirë edhe dhimbjen edhe sfidën edhe vështirësitë që mund t’i ketë tjetri. Kështu që mbase ky ka qenë motivi im kryesor që të jem zëri të gjithë atyre që kanë nevojë për zë dhe natyrisht të jenë të dukshëm dhe të integruar në formë të barabart në shoqëri, nuk anashkalohet këtu edhe mbështeteja e madhe e familjes të cilën e kam pasur gjatë gjithë jetës”, tha Elvana Shala.
Mundesh me e lexu edhe…
Elvana Shala, që nga viti 2014 është ndër pesë ambasadoret e vetme në botë me mandat të dytë, ku ka përfaqësuar Kosovën në fushën e diplomacisë publike kudo në botë, përfshirë edhe në vendet apo organizatat që nuk e njohin shtetësinë e Kosovës.
Si Ambasadore e Vullnetit të Mirë për Kosovën në Komisionin Ndërkombëtar për të Drejtat e Njeriut, Shala ka arritur që të thyejë shumë barriera dhe paragjykime për kategoritë e margjinalizuara pa dallim, ndërsa zëri i saj është dëgjuar brenda dhe jashtë kufijve të Kosovës.
‘’Natyrisht është një arritje, në aspektin e diplomaticë publike do të thoja, sepse nuk është gjë e thjeshtë të jesh zë i Kosovës kudo në botë, përfshirë edhe në vendet të cilat nuk a kanë njohur shtetësinë e saj, apo edhe në organizatat të cilat ne nuk njemi ende anëtare në to si shtet i pavarur, dhe përtej kësaj natyrisht edhe të ngre zërin për shumë kategori të cilat kanë pasur nevojë të jenë më të dëgjuara dhe më të integurara në shoqëri, duke sjellur projekte të ndryshe që prekin direkt përmirësimin e jetës së tyre”, shtoi ajo.
E mjetet që Elvana përdor për të prekur jetën e gjithsecilit që kalon nëpër sfida që shpesh përjashtojnë nga mundësitë e barabarta, kalojnë titullin e saj si ambasadore. Ajo zërin e saj e fuqizon edhe me pushtetin e katërt, pra median, duke u bërë pjesë e çdo shtëpje dhe duke shtrirë edhe më tejë kauzën e saj humane.
‘’Realisht unë jam brenda kornizave të të dy profesioneve të mija, sepse unë kam studiuar shkenca politike edhe komunikim masiv dhe gazetari, edhe gjithmonë si fëmijë e kam pasur synim që kur të punoj, të punoj brenda kornizave të studimit, kështu që edhe në aspektin e misionit të ambasadores, përkon me fushën e studimit në shkenca politike, por edhe atë të rolit të autorës së emisionit përkon me profesionin e gazetares. Ajo se si arrij t’i balancojë, njihem si person që është menaxhuese shumë e mirë e kohës, realisht të bësh jetë me protokoll tash e 9 vite nuk është e lehtë dhe domosdoshmërisht të kesh gjithçka të kordinuar me protokoll, ta jep pastaj edhe mundësinë e balancit mes të dyja gjërave që t’i bësh në të njejtën kohë dhe natyrisht t’i bësh në formën më të mirë, se jo për t’i bërë veç hajt”, potencoi Shala.
Një mision si i Elvanës natyrisht se nuk do të kalonte pa sfida të shumëta, por cilat ishin ato që e përbëjnë rrugëtimin e saj, na tregon ajo duke përmendur edhe mënyrat e menaxhimit dhe tejkalimit të tyre.
‘’Viti i parë i emërimit tim si ambasadore ka qenë shumë sfidues, për shkak që isha e para e llojit të tillë që u emërua në Kosovë nga një mekanizëm ndërkombëtar, siç është Komisioni Ndërkombëtar i të Drejtave të Njeriut dhe tjetra, isha poashtu personi i parë që kishte vështirësi në lëvizje, dhe realisht bota politike e diplomatike nuk ishte mësuar që ta ketë një pozitë kaq të rëndësishme një përfaqësuese e cila vjen nga një kategori ta quajmë pak e margjinalizuar. Kështu që viti i parë, derisa spektri diplomatik e politik është mësu me Elvanën edhe me krejt funskionimin e saj për mua ka qenë shumë sfidues, sepse jam përballë me bullizime të ndryshme, jam përballë me paragjykime, për të cilat është dashur të jem shumë shumë e fortë, në mënyrë që mos të jap dorëheqje dhe të vazhdoj tutje të jem tashmë në mandatin e dytë. Por sot kur e kujtoj 9 vite pas, them mirë kam bërë që nuk kam dhënë dorëheqje, dhe mirë kam bërë që nuk jam dorëzuar, sepse jam e lumtur që spektri politik e diplomatik, e shoqëror, medial, tashmë është mësuar që edhe një person që mbase mund të ketë vështirësi të vogla në lëvizje mund të jetë lidere, mund të jetë përfaqësuese e shtetit, mund të jetë diplomate, dhe nuk duhet t’i shohim njerëzit në bazë të dukjes por në bazë të aftësive që kanë”, rrëfeu Elvana.
Një rrugëtim human si ky i Elvanës, natyrisht se kërkon bashkëpuntor e shumë punë për tu bërë, dhe lidhur me këtë ajo ka një kërkesë nga Qeveria, si institucioni bazë mbi të cilin bie barra e krijimit të kushteve të barabarta për secilin.
‘’Kemi ligje shumë të mira që janë të thirrura për të respektuar të drejtat e kategorive të margjinalizuara, por që të cilat gjejnë tepër pak, për të mos thënë fare zbatim në praktikë dhe këtu duhet të kemi një fokus më të veçantë që në momentin që miratohet një ligj në Kuvendin e Kosovës, mos të jetë vetëm një ligj i miratuar në letër dhe të futet diku në sirtar, mirëpo ai të gjejë zbatimin e plotë në praktikë në mënyrë që të gjithë pastaj të mund të konkludojmë që të kemi të drejta të barabarta në vendin tonë”, theksoi ajo.
E ndërsa bashkëudhëtarë Shala ka mjaft, ajo ka një mesazh për secilin person i cili has në vështirësi për të kapërcyer situatat në të cilat vihen ata për shkak të aftësive të kufizuara apo paragjykimeve të tjera.
‘’Këtë epitet me qenë model i tjetrit, me të thënë drejtën është goxha vështirë me mbajtë mbi supe epitetin për të qenë model për të tjerët sepse duhet gjithmonë të jesh e gatshme për çfardo lloj sfide, çfarëdo lloj problemi që të del, të mos dorëzohesh dhe ta kesh një buzëqeshje në fytyrë, gjithsesi ajo që unë dua t’u themë te tjerëve është që asnjëherë të mos dorëzohen, sepse gjithçka është e mundur në jetë, ka vetëm njerëz që nuk dinë si ta bëjnë të mundur, kjo është një lloj motje që mua më ka përcjell përgjatë gjithë karrierës time, ndaj duhet ta gjemë rrugën për t’i bërë gjërat e mundura dhe realitet”, tha Ambasadorja e Vullnetit të Mirë, Elvana Shala.
Duke marrë parasysh se sa shumë punë duhet bërë për të pasur një gjithëpërfshirje në shoqëri, Elvana Shala, si Ambasadore e Vullnetit të Mirë këtë përpjekje ua njeh edhe të tjerëve. Andaj ajo në ceremoninë e organizuar nga vetë ajo, i dekoroi 33 gra nga grupe të margjinalizuara të cilat dhanë kontribut të vazhdueshëm në shoqëri me trofeun “Hyjnesha e Shtetit”. U dekoruan gra nga grupe të ndryshme të margjinalizuara, në shenjë motivimi, nderimi dhe falenderimi për rrugëtimin e vështirë që kanë bërë në jetë duke pasur vështirësi shëndetësore, paragjykime, barriera e shumëçka tjetër. Por, që asnjëherë nuk u ndalën duke qenë zëri i së drejtës, zëri i forcës e guximit për ta bërë vendin e gruas të merituar në shoqërinë kosovare. /Katror.info
Edicionin #31 të plotë e gjeni KËTU 🙂
Përgatiti:
