Programet e shkëmbimeve studentore ua lejon studentëve të studiojnë jashtë vendit në një institucion partner, duke fituar kështu njohur të një kulture dhe sistemi arsimor të ndryshëm. Programet e shkëmbimit nxisin rritjen personale, mirëkuptimin ndërkulturor dhe rrit mundësitë akademike dhe të karrierës.
Së fundmi Universiteti i Prishtinës njoftoi se tani ka nisur një program shkëmbimi studentor edhe me universitetet japoneze.
“Universiteti i Prishtinës (UP) ka nisur një program shkëmbimi studentor me universitetet japoneze, duke sjellë mundësi të reja për bashkëpunim akademik. Iuria Yuna, studente nga Ryukyu University, do të vijë në UP për të ndarë përvoja dhe njohuri.
Mundesh me e lexu edhe...
Së fundmi, Erleta Kadrija, një tjetër studente pjesë e këtij programi, u takua me rektorin Qerim Qerimi dhe prorektoren Arta Basha-Jakupi. Ky takim shërbeu për të diskutuar përfitimet dhe sfidat e shkëmbimeve ndërkombëtare, të cilat përmirësojnë edukimin dhe zgjerimin e horizontit akademik për studentët e UP-së”, thuhet në njoftimin e UP.
“Rektori Qerimi theksoi rëndësinë e këtyre marrëdhënieve për zhvillimin e një edukimi cilësor, ndërsa prorektorja Basha-Jakupi vuri në dukje angazhimin e Universitetit të Prishtinës për të promovuar bashkëpunimin ndërkombëtar”, thuhet tutje në njoftim
“Iuria gjithashtu pati mundësinë të takohet me menaxhmentin e universitetit dhe Zyrën për Marrëdhënie me Jashtë, duke shprehur entuziazmin për të eksploruar kulturën kosovare dhe për të ndarë njohuritë me studentët e tjerë. Erleta shprehu mirënjohje për mundësinë e shkëmbimit dhe besimin se këto përvoja do të ndihmojnë në ndërtimin e urave kulturore dhe në forcimin e marrëdhënieve ndërkombëtare.
Ky program i shkëmbimeve është një hap i rëndësishëm për UP-në, duke e pozicionuar atë si një qendër të rëndësishme për edukimin ndërkombëtar dhe duke theksuar angazhimin për një edukim global dhe bashkëpunim të qëndrueshëm”, thuhet në njoftimin e UP-së./Katror.info
Përgatiti:
