Vrapimi është sporti me komunitetin më të madh në botë. Vrapues ka gjithandej. Jemi shumë. Ndoshta, sepse është natyrë e njeriut, e fizionomisë së trupit. Në çdo moment dikush vrapon, ngaqë është vonë, ndokush për qef, e dikush vrapon për të arritur një kohë.
Për meraklitë e vrapimit, këtë të diele (9 tetor) organizohet edicioni i katërt i ‘Prishtina Trails’.
Ti vrapues që po e sfidon veten në 10K, rekordin personal e ke të sigurt.
Çdo ditë, vrapuesit e ndajnë me shoqërinë rekordin e fundit personal, edhe pa i pyetur askush. Dhe, kjo do të ndodh edhe për shtegun 60K që do kalojë buzë Kalasë së Novobërdës.
Mundesh me e lexu edhe…
Kujdesin më të madh e kërkojnë garuesit e distancës 21K, prandaj në patrullim ndihmon gjithmonë edhe Forca e Sigurisë së Kosovës.
Pikënisja e Prishtina Trails 2022 do të jetë Parku i Gërmisë, saktësisht Qendra Rekretative/Te koshat. Shtegu për secilen prej distancave do të jetë i markuar me shirita dallues si dhe udhëzuesë të tjerë.
Pikat kontrolluese janë të domosdoshme për të validuar kohën e secilit vrapues. Vrapuesit duhet të sigurohen që koha është shënuar. Gjithashtu, pikat kontrolluese janë të furnizuara me pije freskuese dhe ushqim të nevojshëm dhe të mjaftueshëm.
Në fund, secili vrapues që përmbyll garën me sukses do të dekorohet me një medalje nga Prishtina Trails 2022.
Starti për secilën kategori është ky:
60K – 07:00
21K – 09:00
10K – 09:00
Regjistrohu këtu.
#Vrapopërdashni
Përgatiti:
