Një anije kozmike japoneze ka bërë një hap gjigant drejt uljes së parë në Hënë në historinë e vendit.
Bëhet fjalë për zbarkuesin hënor robotik japonez SLIM, i cili ka hyrë në orbitën e Hënës ditën e Krishtlindjes, më 25 dhjetor, siç ishte planifikuar, njoftoi agjencia hapësinore japoneze JAXA.
Anija kozmike është në një orbitë eliptike në të cilën duhen 6.4 orë për të bërë një rrotullim rreth Hënës. Është 600 kilometra larg në pikën më të afërt, ose 4000 në pikën më të largët.
Mundesh me e lexu edhe…
Dihet se SLIM do të përpiqet të zbresë në sipërfaqen hënore më 19 janar 2024 dhe nëse do të ketë sukses do të shkruajë historinë e Japonisë sepse deri më tani vetëm katër vende, ish-BRSS, SHBA, Kina dhe India, kanë kryer deri tani një ulje “të butë” të anijeve të tyre kozmike në sipërfaqen e Hënës.
SLIM është 2.7 metra i gjatë dhe është lëshuar më 6 shtator së bashku me teleskopin hapësinor XRISM. Të dy anijet kozmike u lëshuan në orbitën e Tokës, XRISM mbeti aty, por SLIM u largua nga graviteti i planetit tonë më 30 shtator dhe filloi një udhëtim të gjatë, rrethor drejt Hënës. Ai u përfundua në ditën e Krishtlindjes, pasi SLIM arriti në orbitën e Hënës.
Sonda tani po përgatitet për një përpjekje për ulje dhe do të përpiqet të përmbushë pseudonimin “Snajper i Hënës”. Synimi është që tokëzuesi të ulet në një zonë të caktuar me një saktësi prej 100 metrash ose më pak, dhe kjo do të ishte baza për kërkime edhe më ambicioze.
Misioni i SLIM është i rëndësishëm sepse përfshin kërkimin e teknologjisë së nevojshme për të ulur sondat e ardhshme në Hënë, por edhe testimin e saj në sipërfaqen e Hënës duke përdorur një sondë të vogël.
Nëse gjithçka shkon siç është planifikuar, SLIM do të lëshojë gjithashtu dy mikrosonda në sipërfaqen hënore pas uljes. Këto sonda do të bëjnë fotografi dhe do të ndihmojnë anëtarët e ekipit të misionit të monitorojnë statusin e SLIM dhe do të mundësojnë një “sistem të pavarur komunikimi për komunikim të drejtpërdrejtë me Tokën”. /Katror.info
Përgatiti:
