Në rajonin e Zhupës ka nisur funksionimi i një fabrike të re për prodhimin e pjesëve të brendshme të automjeteve, një projekt që shënon investim prej 10 milionë eurosh nga një kompani turke. Përurimi i fabrikës u bë nga zëvendëskryeministrja Emilia Rexhepi, e cila theksoi rëndësinë e kësaj iniciative për përmirësimin ekonomik lokal dhe fuqizimin e grave.
“Me këtë hapen dyert për më shumë se 200 punëtorë, shumica prej tyre gra. Kjo nënkupton jo vetëm punësim, por edhe stabilitet financiar dhe zhvillim ekonomik për familjet e rajonit,” deklaroi Rexhepi gjatë ceremonisë së hapjes.
Fillimisht, do të punësohen mbi 100 gra, të cilat do të trajnohen për pozitat e tyre, ndërsa në fazën e dytë parashikohet punësimi i 100 grave të tjera. Afaristi Serkan Ayik, përfaqësues i kompanisë investuese, tha se vendimi për hapjen e fabrikës në Kosovë u mor pas rekomandimeve të shumta për zhvillimin e biznesit në këtë treg dhe në rajonin e Ballkanit.
Mundesh me e lexu edhe…
“Ne tashmë kemi klientë të shumtë në Kosovë dhe Ballkan. Ky projekt është një mundësi për të kontribuar në ekonominë lokale dhe për të fuqizuar punëtorët,” tha Ayik.
Projekti, i cili përfshin investime fillestare prej 1 milion eurosh, përfaqëson një hap të madh për industrinë dhe përfshirjen e grave në fuqinë punëtore, duke përforcuar stabilitetin ekonomik të komunitetit lokal./Katror.info
Përgatiti:
