Bordi i Zyrës së Rregullatorit të Energjisë (ZRrE), të mërkurën do të mbajë mbledhje, duke filluar nga ora 08:30.
Në këtë mbledhje janë caktuar 7 pika të rendit të ditës, ndërsa ndër to janë edhe shqyrtimi i propozimeve për aprovimin e tarifave për KOSTT-in, KEDS-in dhe KESCO-n.
“Shqyrtimi i propozimit per aprovimin e Tarifave për Shfrytëzimin e Rrjetit të Transmetimit dhe Tregut (OST/OT); Shqyrtimi i propozimit per aprovimin e Tarifave për Shfrytëzimit e Rrjetit të Shpërndarjes (OSSH); Shqyrtimi i propozimit per aprovimin e Tarifave per Furnizuesin me Shërbim Universal (FSHU)”, janë tri pikat që do të hidhen në diskutim.
Mundesh me e lexu edhe…
Pikë tjetër është edhe shqyrtimi i ankesave të konsumatorëve për paralajmërimin e shtrenjtimit të tarifave të energjisë elektrike.
Në fillim të këtij viti, paralajmërimet për rritjen e tarifave të energjisë elektrike ngjallën reagime në opinionin publik, duke rezultuar në protesta qytetare kundër shtrenjtimit të rrymës. Protestuesit, të organizuar nga shoqëria civile dhe qytetarë të pavarur, kërkuan anulimin e rritjes së paralajmëruar prej 15% dhe transparencë më të madhe në vendimmarrje.
Megjithatë, pas shqyrtimit të propozimeve të operatorëve energjetikë dhe analizimit të kostove të sistemit, Bordi i ZRrE-së vendosi miratimin e tarifave të reja me një rritje prej 16%, duke tejkaluar përqindjen fillestare të paralajmëruar. Ky vendim u arsyetua nga ZRrE me nevojën për të siguruar qëndrueshmëri financiare të sistemit energjetik dhe për të mbuluar koston e importit dhe humbjeve në rrjet. /Katror.info
Përgatiti:
