Varësisht se sa po kemi kohë, nj’ashtu edhe ja bajmë hyzmetin kuzhinës e ushqimit. E dorën n’zemër, me gjithë këtë dinamikë t’cilën shumica e kemi, po asht problem me gatu përherë mirë e shijshëm e për qejfi. I vetmi shpëtim n’këso raste janë recetat e thjeshta e që nuk kanë nevojë për shumë mund.
Thjeshtë, lehtë e shpejtë mundesh me e përgatitë supën me patate e purri, supë kjo që nime t’kënaqë e t’nginë, meqë falë patateve asht mjaft e ushqyeshme. Kurse copëzat e purrinit veç çka i jepin pakëz ambëlsi e e komplementojnë edhe ma tepër supën t’cilën e ke gati n’3 hapa t’thjeshtë.
PËRBËRËSIT:
4 patate t’mëdhaja (t’prera n’kube)
2 purri (t’prerë imët)
1 kubë supe
30 gr gjalpë
750 ml ujë
2 gjethe dafine
1 lugë çaji oregano
1/4 lugë çaji kanellë
50 gr krem qumësht ose krem djathë
Kripë dhe biber i zi (Opsionale)
Mundesh me e lexu edhe…
HAPI 1:
Shkrije gjalpin dhe shto purrinjt. Kavërdisi për 3 minuta. Shto patatet dhe erëzat e kavërdisi për 3 minuta t’tjerë.
- Advertisement -
HAPI 2:
Shto ujin dhe pasi t’vlojë shto kubin e supës bashk me gjetet e dafinës. Zije masën për 25 minuta.
HAPI 3:
Me blender mobil, apo edhe blender klasik bluje komplet masën. Shto krem qumështin apo krem djathin. Përzije supën deri sa t’tretet krejtësisht krem djathi/qumështi dhe servo.
- Advertisement -
REZULTATI:
Nëse t’ka tepru bukë bajate, nuk ke nevojë me e lanë me t’shku huq – mjafton me e rreshkë pak n’furrë, n’tigan ose n’toster e me shiju bashk me supën me patate e purri. Shijo!
N’listë t’supave mos harro me i shti edhe supën me thjerrëza e limon, supën me brokolli dhe supën me lulelakër – krejt këto, supa t’thjeshta e plot shije t’cilat mundesh me i përgatitë lehtësisht n’shpi. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
