Arti i kuzhinës asht nji fushë t’cilën sado i/e zoti/zoja me qenë, kurrë nuk ke me u ndalë s’mësuari për to. Truqe t’ndryshme dhe ide për me përgatitë dhe me ta lehtësu punën n’kuzhinë janë përherë e ma shumë duke na e dëshmu se sikurse edhe çdo fushë tjetër, edhe kuzhina avanson dhe përparon. Megjithatë, janë disa gjana e këshilla t’cilat kanë me vlejtë pavarësisht kohërave dhe janë universale n’lidhje me kuzhinën dhe gatimin.
Ne t’i kemi përmbledhë 5 këshillat ma t’mira për kuzhinë t’cilat DUHESH me i ndjekë, e që janë këshilla që kanë dal si rezultat i gabimeve t’shpesha që njerëzit i bajnë kur përgatisin. Fatmirësisht, ka mundësi me i parandalu e zvogëlu gabimet, andaj edhe po t’i jepim rekomandimet e maposhtme:
1. Mosleximi i recetave deri n’fund
Shumë prej nesh e bajmë këtë gabim, por ne t’rekomandojmë me e lexu recetën dhe udhëzimet deri n’fund e pastaj me i përvjelë mangët e me fillu me përgatitë. Kështu, ti e parandalon mundësinë me gabu gjatë përgatitjes, apo me harru naj hap ose përbërës, meqë n’disa raste, sidomos n’recetat pak ma t’komplikume, me shumë gjasë t’ikë ndonji detaj.
2. Përdorimi i thikës t’gabume
Jo çdo thikë asht e përshtatshme për çdo gja. Madje, thika e gabume mundet me pru deri tek lëndimi, e n’shumë raste mundet me t’kushtu me kohë – sepse, manovrimi asht ma i vështirë. Varësisht se a ke me qëru, pre n’fije, n’kube, me imtësu apo me filetu diçka, dhe natyrisht varësisht se ç’produkt po përdorë, asht mirë me i kushtu vëmendje thikës që e zgjedhë. Pra, shiko e interesohu për funksionin e thikave dhe formave, zgjedh çka t’duhet dhe përgatit.
Mundesh me e lexu edhe…
3. T’gatuarit n’hapësirë kaotike dhe t’paorganizume
Përgatitja n’kuzhinë t’paorganizuar pos që ka me t’shkaktu stres e duket jo mirë për sy, ka me ndiku edhe n’kohën dhe cilësinë e përgatitjes t’ushqimit. Kjo ndodhë për shkak se n’nji vend ku nuk e ke idenë se ku i ke lanë erëzat, ku i ke pecetat, enët, ka me ndiku ose me t’u djegë apo shkri diçka, ose me harru diçka me shtu. Andaj, asht mirë me i nda pak minuta ose 1 orë kohë me i rehatu disa gjana n’kuzhinë (nji herë n’s’di sa) e me punu n’ambient t’pastër, e t’organizuar mirë.
- Advertisement -
4. Hedhja e vajit n’tigan t’ftohtë
Ky asht gabim që plot njerëz e bajnë e që ndikon n’cilësinë e gatimit, sepse, ushqimi – përfshirë edhe vajin) nuk asht mirë me e fillu procesin e kavërdisjes apo zierjes, nëse tigani asht i ftohtë. Prandaj, vendose fillimisht tiganin sipër shporetit, nxeje mirë, shto vajin, lejoje me u nxe pak e pastaj shto përbërësit – n’daç me gatu si profesionist/e.
5. Mos-shijimi i ushqimit gjatë përgatitjes
Sado kuzhinier/e i/e mirë me qenë, asht mirë me e shiju ushqimin përgjatë përgatitjes, sidomos kur zien diçka, përgatitë ndonji salcë apo sallatë. Kësisoji ti ke mundësi me vërejtë se a po u mungon kripë, ndonji erzë, apo sheqer n’rastet kur përgatitë diçka t’ambël, me e shtu e me e parandalu nji katastrofë t’mundshme – e që asht me t’dal komplet dreka/darka pa trohë shije. Plus, mos harro që syni e mendja nganjiherë nuk janë aty, e me t’provuar mundesh me u siguru që nime je t’u përgatitë mirë.
- Advertisement -
Pavarësisht se a je n’fillet e tua prej kuzhinieri/es, apo nëse ke përvojë n’gatim e ta don me kuzhinë, ne po shpresojmë që këto këshilla ke me i shti n’përdorim e ke me kriju shprehi t’punës t’mirë me to. Kësisoji, çkado që ke me përgatitë, me shumë gjasë ma t’madhe ka me t’dal ma e mirë, pa pasë ti nevojë me e stër-mundu vehtën. Andaj, mos ua ndajë këtyre sygjerimeve! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
