Presidenti amerikan, Donald Trump, ka shpallur tarifat e reja ndaj partnerëve tregtar të Shteteve të Bashkuara të Amerikës (SHBA) dhe ka thënë se ato do të hyjnë në fuqi në mesnatë sot.
Duke sjellë një grafik për t’ia treguar audiencës, ai ka theksuar se Kina “ngarkon” Shtetet e Bashkuara me një tarifë prej 67%, kështu që Shtetet e Bashkuara do të ngarkojnë Kinën me një tarifë prej 34%, shkruan koha.
Në listat e publikuara të shteteve që SHBA-ja u ka vënë tarifa, figuron edhe Kosova me 10 për qind tarifa. Derisa, vendet e tjera të rajonit figurojnë në këtë përqindje tarifash: Shqipëria 10%, Mali i Zi 10%, Serbia 37%, Maqedonia e Veriut 33%, Bosnja e Hercegovina 35%.
Mundesh me e lexu edhe…
— Rapid Response 47 (@RapidResponse47) April 2, 2025
Grafiku gjithashtu, sipas tij, tregon se Shtetet e Bashkuara do të ngarkojnë Bashkimin Evropian me një tarifë prej 20%, Vietnamin me një tarifë prej 46%, Tajvanin 32%, Japoninë 24%, Indinë 26%, Korenë e Jugut 25%, Tajlandën 36% e kështu me radhë.
Nga tarifat që ka përmendur derisa ka folur në Shtëpinë e Bardhë, kanë qenë ato prej 25 për qind ndaj të gjithë prodhuesit e huaj të automjeteve.
Ai ka thënë se mbi 80% e makinave të prodhuara në Kore të Jugut shiten në Kore të Jugut, dhe mbi 90% e makinave të shitura në Japoni janë prodhuar në Japoni, dhe se makinat e prodhuara në SHBA përfaqësojnë vetëm një pjesë të vogël në ato vende.
“Ford ka shitje shumë të vogla” në vende të tjera, një disbalancë tregtare që e ka “shkatërruar” industrinë amerikane, sipas tij.
“Për këtë arsye, duke filluar nga mesnata, do të vendosim një taksë 25% për të gjitha automjetet e prodhuara jashtë vendit”, ka thënë Trump.
Ai e ka filluar fjalimin e tij në atë që ai e ka cilësuar si “dita e çlirimit” duke thënë se partnerët tregtarë e kanë grabitur SHBA-në për dekada me radhë.
“Taksapaguesit tanë janë grabitur për më shumë se 50 vjet, kjo nuk do të ndodhë më”, ka thënë Trump.
Ai ka bërë të ditur se do të nënshkruajë një urdhër ekzekutiv në lidhje me “tarifat reciproke”.
“Unë do të nënshkruajë një urdhër ekzekutiv për tarifa reciproke me të gjitha vendet e botës. Reciproke, do të thotë se ata na vendosin tarifa neve, kurse ne u vendosim tarifa atyre. Shumë e thjesht. Nuk mund të ishte më e thjeshtë se kaq”.
Ai ka kritikuar Bashkimin Evropian dhe shtetet aziatike për tarifa në automjetet e prodhuara në SHBA.
“Ato ditë kanë përfunduar”, ka thënë ai.
Gjatë fjalimit të tij Trumpi i është rikthyer retorikës tradicionale “Amerika e para”, duke sugjeruar se Shtetet e Bashkuara do të vazhdojnë të tërhiqen nga skena botërore.
“Shtetet e Bashkuara s’mund të vazhdojnë me një politikë unilaterale të tërheqjes ekonomike”, ka thënë Trump. “Ne duhet të kujdesemi për njerëzit tanë në radhë të parë”, ka shtuar ai.
Porosia e Trumpit për liderët botërorë
Trumpi ka bërë të qartë për të gjithë liderët botërorë se nëse ata duan të përjashtohen nga “tarifat e tij reciproke”, atëherë ata duhet të ndryshojnë politikat e tyre tregtare.
“Anuloni tarifat tuaja, hiqni barrierat, mos manipuloni me valutat, dhe filloni të blini mallra amerikane në vlerë prej miliarda dollarësh”, ka thënë ai./koha
Përgatiti:
