Gara e Fotografisë së Ushqimit Tradicional Shqiptar 2025 ka filluar më 1 prill dhe do të zgjasë deri më 30 prill 2025.
Sipas njoftimit të “Wikimedianët të Gjuhës Shqipe”, kjo garë e hapur synon të pasurojë koleksionin e imazheve me cilësi të lartë të kuzhinës tradicionale shqiptare në Wikimedia Commons, duke mundësuar përdorimin e tyre në Wikipedia dhe projekte të tjera të Fondacionit Wikimedia.
Organizuar nga “Wikimedianët e Gjuhës Shqipe”, gara synon të promovojë dhe dokumentojë trashëgiminë kulinare shqiptare.
Mundesh me e lexu edhe…
Pjesëmarrësit ftohen të ngarkojnë fotografi origjinale që paraqesin ushqime tradicionale shqiptare. Fotot do të vlerësohen në bazë të cilësive teknike, përfshirë mprehtësinë, ndriçimin, perspektivën dhe kompozimin, qasjen krijuese dhe përpunimin e imazhit.
Fotografitë që do të shkëlqejnë në këtë garë do të shpërblehen.
Kjo garë ka për qëllim të zgjerojë koleksionin e imazheve me cilësi të lartë që lidhen me kuzhinën shqiptare dhe të ofrojë mundësinë që ato të përdoren në Wikipedia dhe projekte simotra.
Ky është edicioni i tretë i kësaj gare, pas sukseseve të mëparshme në promovimin e peizazheve natyrore dhe monumenteve historike shqiptare. Përmes këtyre iniciativave,
Wikimedianët e Gjuhës Shqipe theksojnë se synojnë të rrisin ndërgjegjësimin dhe njohjen e kulturës shqiptare në mbarë botën përmes projekteve Wiki.
Për të marrë pjesë, është e nevojshme të keni një llogari në Wikimedia dhe të ngarkoni fotografitë tuaja gjatë periudhës së garës.
Fotografitë duhet të jenë origjinale, të fokusohen në ushqimin tradicional shqiptar dhe të jenë të cilësisë së lartë. Për të mësuar më shumë rreth rregullave të pjesëmarrjes dhe për të ngarkuar fotografitë tuaja, mund të vizitoni faqen e garës. /Katror.info
Përgatiti:
