Apple synon të fillojë prodhimin masiv të një gjenerate të re AirPods të pajisura me kamera të integruara.
Një hetim i fundit i zinxhirit të furnizimit nga analisti dhe sinjalizuesi më i madh i Apple, Ming-Chi Kuo, ofron një pasqyrë mbi planet e ardhshme të Apple për AirPods.
Ai sugjeron në postimin e tij në blog që Apple synon të fillojë prodhimin masiv të një gjenerate të re AirPods të pajisur me kamera të integruara deri në vitin 2026.
Mundesh me e lexu edhe…
Dizajni i ri pritet të përfshijë teknologjinë e kamerës infra të kuqe, e ngjashme me sistemin Face ID që gjendet në iPhone dhe iPad, transmeton Telegrafi.
Foxconn thuhet se është përzgjedhur si furnizuesi fillestar i këtyre kamerave IR, me një kapacitet prodhimi vjetor të parashikuar prej 18 deri në 20 milionë njësi.
Kjo përkthehet në afërsisht 10 milionë AirPods, megjithëse numri aktual do të varet nga kërkesa e tregut.
Aplikimet e mundshme të këtyre AirPods të pajisura me kamera janë intriguese. Një kamerë IR mund të hapë rrugën për kontrollin e lëvizjes ajrore.
Do t’u ofronte përdoruesve një mënyrë krejtësisht të re të ndërveprimit me pajisjet e tyre, duke sjellë potencialisht mundësi të reja në ndërveprimin njeri-kompjuter.
Në të kaluarën, Apple ka paraqitur disa patenta që kanë lënë të kuptohet pikërisht për një vizion të tillë teknologjik.
Gjithashtu, synimi është të përmirësohet dëgjimi hapësinor në kombinim me pajisjen Apple Vision Pro.
Në të njëjtën kohë, spekulohet se kamerat mund të gjurmojnë lëvizjen dhe të ndërtojnë harta lëvizjeje.
Në çdo rast, sot është e zakonshme që përdoruesit të mbajnë kufje në kokë pothuajse çdo ditë, kështu që kamerat kanë kuptim për shumë aplikacione të tjera, deri tani të panjohura.
Sigurisht, ata që shqetësohen gjithmonë për privatësinë do të kenë shumë për t’u ankuar se kur dhe si do të përdoren këto kamera.
Prezantimi i AirPods të pajisur me kamera shënon një tjetër nga përpjekjet e vazhdueshme të Apple për të forcuar ekosistemin e saj dhe për të lidhur harduerin, softuerin dhe shërbimet.
Disa do ta interpretojnë këtë si ndërtimin e një muri edhe më të fortë rreth kopshtit dixhital të Apple.
Është e rëndësishme të theksohet se Apple, ndryshe nga iPhone, nuk i përmbahet një orari të rreptë për prezantimin e pajisjeve të reja AirPods.
Edhe pse thashethemet sugjerojnë se AirPods-et e reja mund të zbulohen afër lansimit të iPhone në shtator 2024, këto kufje nuk do të kenë sistemin revolucionar të kamerës IR. /Katror.info
Përgatiti:
