16 Ditët e Aktivizmit kundër Dhunës në Baza Gjinore është fushatë vjetore globale që fillon më 25 nëntor, Ditën Ndërkombëtare për Eliminimin e Dhunës ndaj Grave, dhe përfundon më 10 dhjetor, Ditën e të Drejtave të Njeriut.
Kjo fushatë përdoret si strategji organizuese nga individë dhe organizata në mbarë botën për të bërë thirrje për parandalimin dhe eliminimin e dhunës ndaj grave dhe vajzave (DhKGV), duke treguar se dhuna ndaj grave është shkelja më e përhapur e të drejtave të njeriut në mbarë botën.
Çdo vit, fushata zhvillohet nën një temë globale. Tema e sivjetme është “Drejt Pekinit +30: BASHKOHUNI për t’i dhënë fund dhunës kundër grave dhe vajzave.”
Mundesh me e lexu edhe…
Në Kosovë fushata globale “16 Ditët e Aktivizmit Kundër Dhunës me Bazë Gjinore” fillon nën organizimin e Ministrisë së Drejtësisë.
Për nder të kësaj ngjarje do të organizohen disa aktivitete.
Nga ora 08:50, ora e parë e mësimit në Gjimnazin shoqëror “Ahmet Gashi”, në Prishtinë do t’i kushtohet kësaj teme.
Aty do të marrin pjesë ministrja e Drejtësisë, Albulena Haxhiu dhe Ministrja e Arsimit, Arbërie Nagavci.
E aktivitetet do të përmbyllen në orën 18:15, ku do të bëhet edhe shënimi i kësaj fushate.
Aty do të jetë i pranishëm edhe kryeministri i Kosovë Albin Kurti.
Ky aktivitet do të zhvillohet në Modelariumin e Fakultetit të Arkitekturës.
Aktivitetet e tjera.
10:00 – Klinika Mobile për Komunitetet joshumicë (Gjakovë);
11:00 – Thyerja e heshtjes: Fuqizimi i Zërave nga Italia dhe Kosova kundër dhunës ndaj grave (Ambasada e Italisë);
11:00 – Pikturimi i transformatorëve me ngjyrë portokalli (Rruga “Karl Gega”, Prishtinë);
14:30 – Lansimi i 1 milion shishe uji me llogon “Sot dhe Çdo Ditë Tjetër” (Ministria e Drejtësisë);
15:00 – Lansimi i Pullës Postare “Sot dhe Çdo Ditë Tjetër” (ZKM P32)./Katror.info
Përgatiti:
