Ajsbergu më i madh në botë është sërish në lëvizje pasi është bllokuar në një vorbull për pjesën më të madhe të vitit.
A23a është 3,800 kilometra katrorë – që është më shumë se dyfishi i madhësisë së Londrës – dhe është 400 metra i trashë.
Ai u çlirua nga Antarktida në vitin 1986, megjithëse shpejt u bllokua në brigje, shkruan BBC, përcjell Telegrafi.
Mundesh me e lexu edhe…
Filloi të lëvizte drejt veriut në vitin 2020, por, që nga pranvera, ka qenë duke u rrotulluar në vend pranë Ishujve Jugor Orkney.
Ndërsa së fundmi, u raportua se ai po shkonte më në veri.
Dr. Andrew Meijers, një oqeanograf tha: “Është emocionuese të shohësh A23a në lëvizje përsëri pas periudhave të ngecjes”.
“Ne jemi të interesuar të shohim nëse do të marrë të njëjtën rrugë që kanë marrë ajsbergët e tjerë të mëdhenj që kanë dalë nga Antarktida”, shtoi ai.
Mendohet se A23a përfundimisht do të largohet nga Oqeani Jugor dhe do të hyjë në Oqeanin Atlantik ku do të ndeshet me ujëra më të ngrohta dhe ka të ngjarë të shpërthejë në ajsbergë më të vegjël dhe përfundimisht të shkrihet. /Katror.info
Përgatiti:
