Çorbë me thjerrëza dhe kërpudha, n'4 hapa t'thjeshtë

Nëse veç je ka i shqyrton opsionet se çka me përgatitë për drekë a darkë, ne e kemi nji super-recetë për ty edhe jemi t’bindun që po e provove, ke me e përgatitë ma shpesh se sa që mundet me ta marrë mendja. E ti që je vegjetarian/e ke dyfish ma shumë arsye me provu qorbën me perime, sepse asht vegjetariane plotësisht.

Contents

Ideale për drekë a darkë, qorba me thjerrëza dhe kërpudha asht e pasun me vlera ushqyese t’bollshme, por asht edhe plot shije. Përzierja e thjerrëzave me perimet, erëzat dhe krem-qumështin t’cilat zihen bashk arrijnë me e kriju nji pjatë t’nxehtë unike e që s’don shumë mund. E nëse don me ta fshi edhe tjerët pjatën deri n’fund, mjafton me i ndjekë 4 hapat e maposhtëm.PËRBËRËSIT:HAPI 1:HAPI 2:HAPI 3:HAPI 4:REZULTATI:

Ideale për drekë a darkë, qorba me thjerrëza dhe kërpudha asht e pasun me vlera ushqyese t’bollshme, por asht edhe plot shije. Përzierja e thjerrëzave me perimet, erëzat dhe krem-qumështin t’cilat zihen bashk arrijnë me e kriju nji pjatë t’nxehtë unike e që s’don shumë mund. E nëse don me ta fshi edhe tjerët pjatën deri n’fund, mjafton me i ndjekë 4 hapat e maposhtëm.

PËRBËRËSIT:

200 gr kërpudha (t’prera n’rriska)
1 qepë (e grirë imët)
1 trup selino (i grirë imët)
2 karrota (t’grira imët)
2 thelpinj hudhër
4 lugë gjelle vaj ullini
1 e 1/2 gotë thjerrëza
500 ml supë (ujë i vluar + 1 kubëz vegjetariane)
1 gotë krem qumësht
1 lugë çaji biber i zi
1 lugë çaji oregano

HAPI 1:

N’tenxhere t’nxehtë shto vajin e ullini dhe kërpudhat. Fërgoji ato për 3 minuta.

HAPI 2:

Shto selinon, karrotat dhe qepën e grirë bashk me hudhër dhe erëza e kavërdisi perimet për 4-5 minuta – deri sa t’zbuten perimet pak.

HAPI 3:

Shto supën e zije masën për 20 minuta.

HAPI 4:

Shto krem qumështin dhe zije çorbën edhe për 5 minuta t’tjerë e servo.

REZULTATI:

Servoje çorbën n’pjatë e shoqnoje me bukë ose pitalka t’nxehta, apo edhe me bukë bajate t’rreshkun n’furrë. E mbasi veç jemi tek qorbat plot shije, mos e le pa e provu edhe çorbën me perime, e cila njilloj sikurse edhe çorba me thjerrëza e kërpudha asht plotësisht vegjetariane/vegane, apo nëse ke qejf mish e t’ka tepru pulë, provoje çorbën me pulë e thjerrëza.

Edhepse jo çorbë, por pjatë interesante me u përgatitë gjatë darkës – patatet e mbushura me kashkavall janë patatet që ne t’i rekomandojmë me i përgatitë t’u i ndjekë veç 2 hapa tanësisht t’lehtë e t’thjeshtë – mjafton me kliku n’fjalët që i kemi hijezu për ty. Shijo! /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria