Reperi dhe sipërmarrësi Snoop Dogg po zgjeron përsëri perandorinë e tij të biznesit, pas kanabisit apo drithërave, këtë herë me një linjë produktesh kafeje premium me kokrra të marra në vend nga Indonezia.
Ai ka bashkëpunuar me sipërmarrësin indonezian të kafesë Michael Riady për të lançuar “INDOxyz”, një markë premium kafeje në stilin e jetës së krijuar dhe e frymëzuar nga brezi i ardhshëm i sipërmarrësve dhe novatorëve, sipas një njoftimi për shtyp dërguar CNN.
“Marrëdhënia ime me kafenë është shumë më para,” tha Snoop Dogg, emri i vërtetë i të cilit është Calvin Broadus, në deklaratë. “Netët e shumta të gjata në studio duke bërë hit pas hiti, kafeja na siguronte karburantin që na mbante të ecnim përpara. Sot shënon fillimin e një kompanie të re që kam krijuar së bashku me partnerin tim Michael, i cili më prezantoi me kafenë indoneziane me shijeb më të mirë”, tha ai.
Snoop shtoi: “Indo do të ndryshojë industrinë, mund t’ju premtoj këtë”, duke iu referuar markës së tij të kafesë, e cila është gjithashtu një shkurtim i zakonshëm për Indonezinë. Vendi është një prodhuesi kryesor global i kafesë.
Kultivimi i kafesë filloi në fund të viteve 1600 gjatë periudhës koloniale holandeze. Indonezia prodhon kokrra Arabica dhe Robusta, si dhe Kopi Luwak , ose kafe civet, një pije historike por e diskutueshme e cila përbëhet nga kokrra kafeje të tretura pjesërisht nga macet civet.
Kokrrat e kafesë së Snoop-it do të merren nga Gayo, një rajon në Aceh në ishullin Sumatra. “Rajoni Gayo është i njohur për prodhimin e një Arabica me cilësi të lartë, e rritur në pellgun e mrekullueshëm malor që rrethon liqenin Tawar dhe qytetin Takengon”, thuhet në deklaratë./Katror.info
Përgatiti:
