Një vend pune i shëndetshëm është thelbësor për çdo kompani të suksesshme, por mund të jetë tejet sfidues për t’u arritur. Megjithatë, shumë kompani nuk i ndalin përpjekjet për një vend pune të shëndetshëm qoftë fizik apo edhe virtual, varësisht nga mënyra sesi punojnë, duke e vendosur në qendër punëtorin, shkruan hcamag.com.
Një vendpune i shëndetshëm është një strukturë ku punonjësit, menaxherët dhe drejtuesit komunikojnë hapur dhe bashkëpunojnë për një vizion të përbashkët të punës, por edhe për përmirësimin e shëndetit, sigurisë dhe mirëqenies së të gjithë anëtarëve të organizatës/kompanisë.
Sipas Organizatës Botërore të Shëndetësisë (OBSH), një vend pune i shëndetshëm ofron kushte fizike, psikologjike, sociale dhe organizative që mbrojnë dhe promovojnë shëndetin dhe sigurinë e të gjithë punëtorëve të një kompanie. Prandaj, një vend i shëndetshëm pune është ideali për të punuar.
Mundesh me e lexu edhe…
Mjedisi fizik i punës ka shumë rëndësi. Ofrimi i një hapësire fizike pune ku punonjësit ndihen rehat dhe produktiv është një hap i mirë drejt një vendi të shëndetshëm pune. Kompanitë duhet të sigurohen që të ofrojnë planimetrinë më të mirë të hapësirës dhe pajisjet e përditësuara për punonjësit dhe drejtuesit që punojnë si në terren ashtu edhe nga distanca për të optimizuar rutinën e tyre të punës dhe për t’i mbajtur ata të kënaqur.
Një vend i shëndetshëm pune kujdeset gjithashtu gjendjen psikosociale të një fuqie punëtore, duke i dhënë rëndësi mirëqenies psikosociale të punonjësve mund të ofrojë rezultate më të mira pozitive kur bëhet fjalë për produktivitetin, motivimin, angazhimin dhe besnikërinë.
Zbatimi i programeve, aktiviteteve dhe politikave që promovojnë zakone të shëndetshme dhe ndërtimin e komunitetit, ndërkohë që mbrojnë punëtorët nga toksiciteti i punës, ndihmojnë në përmirësimin e gjendjes së shëndetit mendor të punonjësve. Mëposhtë janë radhitur disa nga përfitimet e të pasurit një vend pune të shëndetshëm:
- Përmirësimi i shëndetit dhe mirëqenies
- Produktivitet më i madh dhe performancë më e mirë
- Imazh më i mirë i atij vendi të punës
- Rritja e kënaqësisë në punë
- Mundësi më të mëdha për zhvillim dhe për të mësuar gjëra të reja
- Morali i përmirësuar i punonjësve
- Shkallë më e ulët e mungesave të punëtorëve në punë
- Rritja e angazhimit të punonjësve
- Shkallë më e ulët e braktisjes së atij vendi pune
- Këste më të ulëta që paguhen për sigurimin shëndetësor të punëtorëve/ Katror. Info
Përgatiti:
