Dy qytete zvicerane – Cyrihu dhe Winterthur – po vendosin një pagë të lartë minimale duke iu bashkuar kështu grupit të kantoneve provinciale që tashmë kanë rregulluar të ardhurat më të ulëta të mundshme të qytetarëve të punësuar.
Paga minimale është një zgjidhje e zakonshme në demokracitë liberale perëndimore, por pagat minimale të paraqitura nga Zürich dhe Winterthur kryesojnë rrugën për sa i përket lartësisë së tyre. Bëhet fjalë për shumën rreth 4000 franga zvicerane në muaj, që është rreth 4075 euro, shkruan Katror.info.
Për krahasim, paga minimale në Gjermani është 2.7 herë më e ulët se sa do të jetë në Cyrih dhe Winterthur. Në fund të fundit, 4,075 euro nga paga minimale e garantuar është më shumë se paga mesatare në Gjermani, që është 3,810 euro në muaj. Mbështetja politike për vendimin për një pagë minimale të lartë është më se e qartë; në Cyrih e mbështesin 70 për qind e qytetarëve, në Winterthur 65.5 për qind.
Nisma për rritjen e pagës minimale u drejtua nga partitë e majta me tezën se ata që punojnë shumë duhet të fitojnë denjësisht.
SRF shkruan: “Oliver Heimgartner, bashkëpresident i PS Stadtzürcher, është i kënaqur: “Është një sukses i madh. Kjo pagë minimale do të ndihmojë 17,000 njerëz në qytetin e Cyrihut, të cilët aktualisht fitojnë 20 ose 21 franga në orë””.
Në Winterthur, këshilltari përgjegjës i qytetit Nicolas Galladé (PS) u befasua nga rezultati i qartë.
“Ne e pranojmë këtë si urdhër dhe tani po fillojmë ta zbatojmë”, thotë Galladé. Këshilli Bashkiak i Winterthur fillimisht mbështeti një kundërpropozim më të moderuar për nismën e pagës minimale. Kur kjo dështoi në parlament, qeveria u deklarua pro nismës “Paga e Jetesës”.
Në anën tjetër, një pjesë e skenës politike është befasuar në mënyrë të pakëndshme nga rezultati i votimit, por edhe nga qëndrimet e qytetarëve. Ata nuk ndihen rehat me iniciativën. FDR shpjegon:
“Në Cyrih, SVP, FDP, GLP luftuan kundër vendosjes së pagës minimale. Përparim Avdyli, kryetar i FDP-së së qytetit të Cyrihut, është i zhgënjyer me rezultatin. Ai është i bindur se varfëria nuk mund të luftohet kështu. Në vend të kësaj, është ndërtuar burokracia”. Përveç kësaj, një vendim i tillë sigurisht që nuk kontribuon që Cyrihu të bëhet më tërheqës si destinacion biznesi.
Sipas Avdylit, ka ende shumë pyetje pa përgjigje sa i përket zbatimit. Për shembull, si duhet të kontrollohet paga minimale.
“Ka ende shumë për të diskutuar këtu,” pranon Desirée Schiess, presidente e Shoqatës së SME-ve Winterthur. Çështjet ligjore gjithashtu duhet të merren parasysh me kujdes. “Ne e pranojmë këtë vendim demokratik, por po shqyrtojmë edhe nëse duam të nisim procedura ligjore kundër tij. Vetëm në Cyrih, rreth 17,000 njerëz fitojnë më pak se 4,000 franga në muaj. Prek kryesisht punonjësit në sektorë si shitja me pakicë, pastrimi apo gastronomia.
Përshtypja është se Zvicra ngadalë dhe me siguri po përparon drejt një vendi ku ata të paktën mendojnë të kënaqin të gjithë sipas nevojave të tyre, gjë që është njësoj si të eksperimentosh me komunizmin, i cili kurrë nuk arriti t’i afrohej vlerave kaq realiste të pagave. /Katror.info
Përgatiti:
