Një mënyrë jetese që përfshin konsum të moderuar të alkoolit, një dietë të shëndetshme, aktiviteti i rregullt fizik, gjumi, marrëdhënie e shpeshta shoqërore, shmangie e duhanit dhe sjelljes së tepërt sedentare, zvogëlojnë rrezikun e depresionit, sipas studiuesve nga Universiteti i Kembrixhit dhe Universiteti Fudan.
Për të kuptuar më mirë lidhjen midis stilit të jetesës dhe depresionit, studiuesit përdorën të dhëna nga Biobank në Mbretërinë e Bashkuar për gati 290 000 njerëz, nga të cilët 13 000 vuanin nga depresioni.
Studiuesit zbuluan se gjumi midis shtatë dhe nëntë orë në natë bëri ndryshimin më të rëndësishëm, duke ulur rrezikun e depresionit me 22%, duke përfshirë episodet e vetme depresive dhe depresionin rezistent ndaj ilaçeve.
Mundesh me e lexu edhe…
Lidhja e shpeshtë sociale, e cila në përgjithësi redukton rrezikun e depresionit me 18%, ishte faktori më mbrojtës kundër çrregullimit depresiv të përsëritur.
Konsumimi i moderuar i alkoolit ul rrezikun e depresionit me 11%, një dietë e shëndetshme me 6%, aktiviteti i rregullt fizik me 14%, shmangia e duhanit me 20% dhe të qenit minimalisht sedentar me 13%.
Bazuar në numrin e faktorëve që lidhen me një mënyrë jetese të shëndetshme, studiuesit krijuan tre grupe: të pafavorshëm, të ndërmjetëm dhe të favorshëm.
Ekipi më pas ekzaminoi ADN-në e pjesëmarrësve. Individët me rezultatin më të ulët të rrezikut gjenetik kanë 25% më pak rrezik për depresion sesa ata me rezultatin më të lartë, një ndikim shumë më pak i rëndësishëm se stili i jetesës.
“Ne jemi mësuar të mendojmë se një mënyrë jetese e shëndetshme është e rëndësishme për shëndetin tonë fizik, por është po aq e rëndësishme për shëndetin tonë mendor, për shëndetin e trurit dhe aftësitë njohëse, duke vepruar pozitivisht në sistemin imunitar dhe metabolizmin”, theksojnë studiuesit./Katror.info
Përgatiti:
