Përveç në vendkalimet kufitare të Kosovës, fluks të madh të udhëtarëve ka edhe në Aeroportin Ndërkombëtar të Prishtinës “Adem Jashari”.
Gjatë ditës së djeshme (e premte) janë realizuar 93 fluturime dhe janë procesuar 11, 104 udhëtarë. Prej tyre 7, 905 udhëtare kanë ardhur në Kosovë dhe 3, 199 kanë udhëtuar jashtë vendit.
Zëdhënësja e aeroportit, Valentina Gara ka thënë se presin që në fundvite të arrijnë një shifër prej 3.4 milionë udhëtarësh.
Mundesh me e lexu edhe…
“Ne kemi një trend të vazhdueshëm të rritjes së numrit të udhëtarëve. Gjatë sezonit të dimrit ky trend vërehet më së shumti me rastin e festave. Vetëm ditën e djeshme janë realizuar 93 fluturime dhe janë procesuar 11,104 udhëtarë. Ndërsa në muajin dhjetor, deri me sot, janë procesuar 167,070 udhëtarë dhe 1,197 fluturime. Ne fundvit presim të arrijmë një shifër mbi 3.4 milionë udhëtarë”, ka deklaruar Gara, për tëvë1.info.
Tutje, ajo tha se Zvicra mbetet njëri ndër destinacionet me numrin më të madh të fluturimeve dhe udhëtarëve.
Ndërkaq, numri i madh i mërgimtarëve po shkakton edhe kolona e pritje të gjata, por që kjo nuk po i ndalon ata nga ardhja në Kosovë që fundvitin ta presin në gjirin familjar.
“Ne prag te festave te fundvitit, ka filluar edhe ardhja e mergimtareve, ne pikat kufitare ne Kosove brenda 24 oreve te fundit mbi 15 mije vetura e mbi 45 mije persona kane hyre ne vend, e nderkaq ne piken kufitare Dheu I bardhe gjate mesdites kolonat po janë të gjata e pritjet po konsiderohen mbi 1 ore”, njofton Qendra Kombetare e Menaxhimit Kufitar.
Sipas Qendres Kombetare te Menaxhimit Kufitar, neper pikat e tjera kufitare kolonat shkuan deri ne 100 metra e pritjet zgjaten nga 30 minuta deri në dy orë. /Katror.info
Përgatiti:
