Chatbot i Microsoft-it me AI, Copilot, i cili mund t’i ndihmojë përdoruesit me gjithçka, nga shkrimi i emaileve deri te kodimi, tani është i disponueshëm në pajisjet Android.
Copilot mundësohet nga GPT-4 dhe DALL-E 3, modelet më të fundit nga OpenAI, dhe mund të përdoret për të krijuar foto nga përshkrime dhe kërkesa të thjeshta teksti. Aplikacioni është i disponueshëm përmes Google Play Store dhe shkarkohet falas. Gjithashtu, nuk është e nevojshme të keni fare një llogari Microsoft për t’u identifikuar.
Shfaqja e versionit celular të chatbot-it të Microsoft Copilot, i njohur më parë si Bing Chat, ishte i qetë dhe pa njoftim zyrtar, gjë që është në kontrast me ardhjen e Bing Chat në pajisjet celulare. Aplikacioni i ri Copilot u lançua në fillim të këtij muaji, përdoruesit e rrjetit social X e panë atë në Play Store, por nuk është ende i disponueshëm për pajisjet iOS dhe nuk ka ende premtime zyrtare për ardhjen e tij.
Mundesh me e lexu edhe…
Copilot i destinuar për pajisjet mobile është një lëvizje e pritshme nga Microsoft. Më parë ishte lëshuar në Windows 10 pasi mbërriti në Edge, produktet e Microsoft 365 dhe në Windows 11. Falë kësaj, sot ka një miliardë pajisje shtesë që mund të përdorin këtë asistent të AI, që është një sinjal i qartë nga Microsoft se është duke punuar në zgjerimin e tij. Microsoft së fundmi përmirësoi Copilot dhe shtoi funksionalitetin e përmbledhjes së videos dhe krijimit të këngëve. /Katror.info
Përgatiti:
