Mbajtja pastër e shtëpisë, e sidomos e dyshemesë është një sfidë më vete për gratë. Sa herë e keni kapur veten “mat” me detergjentët e ndryshme që i hidhni kovës së ujit, aromatizuesit, pastruesit që ju ndihmojnë në larjen më të thellë e kësisoj në mbajtjen pastër të dyshemesë?
Por, nëse ka njolla vaji, pluhura apo papastërti, ndodh që gratë të zgjedhin ujin e ngrohtë si alternativë, me idenë se kjo teknikë pastron më mirë dhe është më efikase në rezultatin e mbajtjes pastër së dyshemesë.
Nuk ka dyshim se uji i ngrohtë mund të ndihmojë në largimin e substancave që kanë ngecur për një kohë të gjatë në dysheme, por kjo mund të shkaktojë dëmtime afatgjata në disa lloje dyshemesh. Nëse keni dysheme druri ose laminat, duhet të shmangni përdorimin e ujit të nxehtë sepse dëmton materialin.
Mundesh me e lexu edhe…
Dyshemetë prej druri mund të zgjerohen nga nxehtësia apo lagështia e ujit. Me kalimin e kohës, kjo çon në plasaritjen dhe lëvizjen e dërrasave të dyshemesë, duke i nxjerr jashtë funksionit. E njëjta gjë vlen edhe për pastrimin me avull të dyshemeve prej druri. Fshesa me avull i ekspozon dërrasat e dyshemesë ndaj ujit të nxehtë pothuajse njësoj sa pastrimi me ujë të ngrohtë. Ky zakon krijon një mjedis lagështie që depërton në materialin e drurit.
Përdorni ujë të ngrohtë vetëm në dyshemetë me pllaka ose porcelan
Në këtë material ju mund të përdorni pa frikë ujin e ngrohtë për heqjen e njollave dhe papastërtive pa dëmtuar dyshemenë. Përdorni një furçë me qime të ashpra si fillim për të larguar papastërtitë dhe më pas me një kovë me ujë të ngrohtë dhe leckë pastroni të gjithë sipërfaqen. /Katror.info
Përgatiti:
