Armando Broja është rikthyer përsëri në qendër të vëmendjes. Napoli është shfaqur në skenë duke treguar interes për sulmuesin e Chelsean dhe e sheh si idealin për të qenë zëvendësuesi i Victor Osimhen. Edhe pse De Laurentis e mohoi, Osimhen është lidhur shumë me një largim nga Italia gjatë verës, ku Chelsea, Manchester United dhe PSG kanë interes për nigerianin.
Interesimi i Napolit për Brojën është në favor të Chelseas. Duke ditur që kartoni i Osimhen kushton mbi 100 milionë euro, anglezët do të ishin të gatshëm të ofronin kartonin e Brojës për të reduktuar pak vlerën e sulmuesit nigerian të Napolit.
Sipas “Il Matino”, Napoli është i interesuar të nënshkruajë me Armando Brojën. Pala italiane ka identifikuar sulmuesin e Kombëtares shqiptare si zëvendësuesin e mundshëm të Osimhen, nëse ky i fundit largohet.
Mundesh me e lexu edhe…
Broja aktualisht është i dëmtuar dhe mbetet për t’u parë se si do të jetë gjendja e tij kur të kthehet, pasi jo shumë lojtarë kanë mundur të rikuperohen dhe të jenë në formën e tyre më të mirë./Katror.info
Përgatiti:
