A ke merak me hangër ambël, por nuk ke qejf me ja tepru duke u ushqy jo mirë, ose, a je ka mundohesh me u rujtë pak n’ushqim qoftë për vehte, qoftë për anëtarët e tjerë t’familjes? Mos ta ndinë, e kemi edhe për ty nji zgjidhje t’shpejtë, t’lehtë e super t’shijshme.
Super snack-u prej arrave t’karamelizuara asht nji prej ushqimeve i cili përpos që shijojnë fort, përmbajnë edhe vlera ushqyese falë arrave dhe nuk dojnë shumë punë. Mjafton me siguru pak arra, pak erëza e sheqer, si dhe pak kohë.
PËRBËRËSIT:
1 e bardhë veze (e rrahur mirë me mikser)
¼ filxhan sheqer
2 lugë çaji kanellë
½ lugë çaji kripë
½ lugë çaji xhenxhefil pluhur
¼ lugë çaji arrë muskati (nutmeg)
¼ lugë çaji biber i kuq
3 gota arra t’qërura
2 lugë gjelle gjalpë t’shkrirë
Mundesh me e lexu edhe…
HAPI 1:
Rrehe t’bardhën e vezës deri sa t’shkumon e t’shnërdërrohet n’shllag. Shto sheqerin dhe erëzat e përzije masën mirë. Shto arrat dhe përziji mirë me masën me sheqer e erëza. Sigurohu që t’gjitha janë mbulu mirë me sasinë e miksit.
HAPI 2:
Vendos arrat n’tepsi me letër për pjekje e pjeki për 5 minuta n’180 C. Nxjerre tepsinë, përziji arrat e shtriji mirë, pastaj pjeki ato për 7-8 minuta (deri sa t’karamelizohen mirë). Largoji prej tepsisë, leji me u ftohë mirë e pastaj vendosi n’tegëll xhami, n’kuti plastike apo qese t’letrës.
REZULTATI:
Arrat e karamelizuara mundesh me i konsumu kurdo që t’hahet ambël e je n’trip me grickatë diçka. Njilloj sikurse edhe hurmat me gjalpë kikiriku, këto dukshëm janë ma t’shëndetshme sesa ambëlsinat artificiale. Ti poashtu mundesh me përdorë sheqer t’kafët nëse preferon alternativë hala ma t’shnetshme. Këto arra poashtu mundesh me i përdorë si dekor për ambëlsina. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
