Organizatat anëtare të Komitetit për Mbrojtjen e Fëmijëve (KOMF), Balkan Sunflowers Kosova dhe Orhan Butic, janë nderuar me Çmimet e BE-së për Integrimin e Romëve në Ballkanin Perëndimor dhe Turqi. Ky vlerësim u dha gjatë një ceremonie të organizuar nga Komisioni Evropian në Bruksel, shkruan Katror.info.
Ky çmim është një njohje e veçantë për punën e palodhur dhe të vazhdueshme që këto organizata kanë bërë për promovimin e arsimit gjithëpërfshirës dhe cilësor për komunitetet Ashkali, Egjiptian dhe Rom. Me këtë rast, u vlerësua angazhimi i madh i organizatave për të siguruar mundësi të barabarta për fëmijët dhe të rinjtë nga këto grupe, duke u përpjekur të përmirësojnë kushte jetese dhe mundësi edukimi.
KOMF shprehu krenarinë dhe lumturinë për këtë arritje të organizatave partnere dhe theksoi se ky çmim është një inkurajim për të vazhduar përpjekjet në fushën e integrimit dhe përfshirjes sociale të komunitetit rom, ashkali dhe egjiptian në Kosovë dhe rajon./Katror.info
Mundesh me e lexu edhe…
Përgatiti:
