Një hulumtim ka nxjerrë në dritë se qëndrimi pranë cicërimave të zogjve i bën njerëzit më të lumtur dhe e rrit mirëqenien mendore. Shkencëtarët në King’s College në Londër thonë se shikimi ose dëgjimi i cicërimave të zogjve rrit disponimin që zgjat deri në tetë orë.
Për studimin e tyre, studiuesit përdorën një aplikacion telefonik të quajtur Urban Mind për ta mbledhur gjendjen psikologjike të pjesëmarrësve në periudha të ndryshme. Njerëzit pyeteshin tre herë në ditë nëse mund t’i shihnin ose dëgjonin zogjtë, dhe më pas iu përgjigjën pyetjeve në lidhje me mirëqenien e tyre mendore.
“Ka prova në rritje për përfitimet e shëndetit mendor të të qenit rreth natyrës dhe ne intuitivisht mendojmë se prania e cicërimave të shpendëve dhe zogjve do të ndihmonte në ngritjen e humorit tonë”, thotë autori kryesor i studimit Ryan Hammoud, asistent kërkimor në Institutin e Psikiatrisë, Psikologji të kolegjit & Neuroshkencë, në një deklaratë. “Megjithatë, ka pak kërkime që kanë hetuar në fakt ndikimin e zogjve në shëndetin mendor në kohë reale dhe në një mjedis real.
Mundesh me e lexu edhe…
“Duke përdorur aplikacionin Urban Mind kemi treguar për herë të parë lidhjen e drejtpërdrejtë midis shikimit ose dëgjimit të zogjve dhe humorit pozitiv”, vazhdon Hammoud. “Shpresojmë që këto prova të mund të demonstrojnë rëndësinë e mbrojtjes dhe ofrimit të mjediseve për të inkurajuar zogjtë, jo vetëm për biodiversitetin, por për shëndetin tonë mendor”.
Studimi, i publikuar në revistën Scientific Reports, u zhvillua mes muajit prill 2018 dhe tetorit 2021. Studimi përfshiu më shumë se 1200 pjesëmarrës që morën pjesë dhe përfunduan mbi 26,800 vlerësime duke përdorur aplikacionin. Këta pjesëmarrës ishin kryesisht të vendosur në ShBA, Mbretëri të Bashkuar dhe pjesë të tjera të Evropës, shkruan Study Finds.
Studiuesit gjithashtu mblodhën informacion mbi diagnozat ekzistuese të kushteve të shëndetit mendor si depresioni. Nëpërmjet gjetjeve të tyre zbuluan se dëgjimi dhe përcjellja e jetës së shpendëve përmirëson shëndetin mendor të njerëzve me dhe pa depresion. Ata raportojnë se kjo lidhje nuk ishte për shkak të faktorëve të tjerë mjedisorë, siç është qëndrimi rreth pemëve dhe rrugëve të ujit.
“Termi shërbime ekosistemit përdoret shpesh për të përshkruar përfitimet e disa aspekteve të mjedisit natyror në shëndetin tonë fizik dhe mendor. Megjithatë, mund të jetë e vështirë të vërtetohen këto përfitime shkencërisht”, thotë autori Andrea Mechelli. “Studimi ynë ofron një bazë provash për krijimin dhe mbështetjen e hapësirave të biodiversitetit që strehojnë jetën e shpendëve, pasi kjo është e lidhur fort me shëndetin tonë mendor.
Për më tepër, gjetjet mbështesin zbatimin e masave për të rritur mundësitë që njerëzit të takohen me jetën e shpendëve, veçanërisht për ata që jetojnë me kushte të shëndetit mendor si depresioni./Katror.info
Përgatiti:
