Nga tani, çdo të hënë në ora 20:00, në kuadër të Dokufest do të organizohen mbrëmjet e filmi ‘DokuMondays’ për të sjell filma të ndryshëm para audiencës në Prishtinë dhe Prizren.
Çdo të hënë të fundit të muajit, programi i dedikohet publikut më të vjetër (Senior Citizens), duke krijuar një hapësirë të ngrohtë në Prizren dhe Prishtinë.
Shfaqja e parë fillon me datën 24 Shkurt me filmin “The Mole Agent”. Një hetues privat në Kili punëson dikë që të punojë si nishan në një shtëpi të moshuarish, ku një klient i tij dyshon te kujdestarët për abuzimi me të moshuarit.
Mundesh me e lexu edhe…
Më pas me datën 3 Mars: “Apolonia Apolonia”. Një dokumentar i filmuar gjatë 13 viteve, që pasqyron rrugëtimin dhe sfidat e artistes Apolonia Sokol.
Më 10 Mars: ‘’The Gig Is Up’’. Zhvilluesit e aplikacioneve joshën forcë masive punëtore duke premtuar orar fleksibil pune, pa zyre, pa shefa – por me punonjës, ku përçarja bëhet gjithnjë e më e thellë.
Më 17 Mars: “Total Trust”. Një vëzhgim intim mbi ata që sfidojnë diktaturën digjitale dhe mbikëqyrjen totale në Kinë.
24 Mars: “I am Greta”. Dokumentari ndjek Greta Thunberg-un, një aktiviste adoleshente për klimën nga Suedia. Ajo nis fushatën e saj ndërkombëtare për t’i bërë njerëzit të dëgjojnë shkencëtarët për problemet mjedisore të botës.
Së fundi 31 Mars: “The Eternal memory”. Një çift përballet me Alzheimerin përmes dashurisë, kujtimeve dhe humorit./Katror.info
Përgatiti:
