Jemi t’u ju afru çdo herë e ma tepër ditëve verore e me t’ardhë vera padiskutimisht edhe idetë e ndryshme për ushqim, servim dhe dekorim t’pjatave festivo-verore janë element i randësishëm i super-stinës plot nxehtësi. Kujdesi për detaje, servim e dekorim asht hap i randësishëm dhe që e ban diferencën n’raste speciale, por kjo nuk do t’thotë që mos je ndreçë vehtës ndejën e tripin edhe ditëve t’rëndomta, apo vikendeve t’relaksume.
Birra e ftohtë n’ditë t’nxehtë e ka lezetin e vet e kjo nuk don aspak diskutim. Mirëpo, ka diçka që ja kalon birrave t’ftohta, veçanarisht nëse je prej tipave ekstravagant e eksperimentues n’shije: Frose-ja me dredhëza dhe pjeshkë – pije kjo që gërsheton n’mënyrën ma perfekte verën rozë t’akullësume me shijen e pjeshkës dhe dredhëzave. E qysh me përgatitë këtë super-mix e tregojnë udhëzimet e maposhtme.
PËRBËRËSIT (4 servime):
750 ml / 1 shishe verë rose
60 ml shërbet (simple syrup)
100 gr dredhëza t’ngrira (t’prera n’copë)
2 pjeshka t’ngrira (t’prera n’copë)
4 dredhëza t’freskëta për servim
HAPI 1:
Fillimisht merr kallëpin për akuj e mbushe me verë. Vendose kallëpin n’friz për 2 orë n’mënyrë që me u kriju kubëza t’akullta me rose.
Mundesh me e lexu edhe…
HAPI 2:
Vendosi kubëzat e rose-së, copëzat e pjeshkës dhe dredhëzave dhe shërbetin n’blender.
- Advertisement -
HAPI 3:
Bluje masën mirë deri sa t’krijohet nji masë e njitrajtshme e që ngjanë n’pire t’ngrirë. Servo.
REZULTATI:
Servoji frose-të n’gotat e preferume e dekoroji me nga nji dredhëz sipër. E ma s’miri e ke me e shoqnu këtë pije me shkoptha krokant kungulleshe, kërpudha t’mbushuna me qiqra dhe arra, ose me nachos t’pjekuna n’furrë.
- Advertisement -
E n’e paqe nda mendjen me eksperimentu me pije e kokteje, përpos këtij koktelli plot shije, t’i mundesh me e përgatitë edhe koktellin e njohun si “Amaretto Sour”, koktellin “Vodka Pineapple”, apo edhe nji Gin ‘n’ Tonic sipas recetës sonë klasike. Biles, edhe Strawberry Margarita-n t’kishim thanë me e provu.
E meqë veç jemi te koktejet e pijet alkoolike, para se me nisë me pi, po t’sygjerojmë me i lexu edhe 7 këshilla që çdo merakli i pijes t’i kish dhanë nji meraklisë tjetër, e që janë fort me vend, sidomos nëse don t’nesërmen mos me u zgju vet i/e 700-i/a. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
