Greta Thunberg, aktivistja suedeze për klimën, vazhdon të jetë një nga figurat më të rëndësishme të lëvizjes globale për drejtësi klimatike dhe sociale. Që nga fillimi i grevës së saj të parë shkollore për klimën në vitin 2018, Thunberg është bërë simbol i një brezi të ri që kërkon ndryshim rrënjësor në mënyrën si njerëzimi përballet me krizën klimatike dhe padrejtësitë globale, shkruan Katror.info.
E lindur më 3 janar 2003 në Stokholm, Greta nisi të interesohesh për klimën që në moshë të vogël, pas leximit të një artikulli mbi ndryshimet klimatike. Diagnostikuar me sindromën Asperger, ajo e konsideron këtë si një “superfuqi” që i ka dhënë forcën të jetë e përqendruar dhe e paepur në mbrojtjen e së vërtetës dhe të drejtës.
Në gusht 2018, ajo nisi protestën e saj të parë përballë Parlamentit Suedez, me pankartën “Skolstrejk för klimatet” (Grevë shkollore për klimën), duke frymëzuar miliona të rinj në mbarë botën përmes lëvizjes “Fridays for Future”.
Kohët e fundit, Thunberg ka zgjeruar përpjekjet e saj për drejtësi duke u përfshirë në ndihmë për popullin palestinez. Aktivistja suedeze ishte pjesë e një floteje ndërkombëtare humanitare që synonte të dërgonte ndihma për Gazën. Thunberg ishte një nga 12 pasagjerët në bordin e anijes “Madleen”, e cila u ndalua nga marina izraelite të hënën rreth 200 kilometra larg bregdetit të Gazës.
Greta Thunberg just departed Israel on a flight to Sweden (via France). pic.twitter.com/kWrI9KVoqX— Israel Foreign Ministry (@IsraelMFA) June 10, 2025
Të martën, ajo u deportua nga autoritetet izraelite. Në një postim në rrjetin X (ish-Twitter), Ministria e Jashtme e Izraelit shpërndau një fotografi të saj në bord të një aeroplani që po e çonte drejt Francës, përpara se të kthehej në Suedi. Sipas organizatës për të drejtat ligjore Adalah, Greta dhe dy aktivistë të tjerë vendosën të largoheshin me marrëveshje, ndërkohë që aktivistë të tjerë refuzuan deportimin dhe mbahen ende në paraburgim.
Climate campaigner Greta Thunberg has been deported. She and a handful of volunteers recently sailed for Gaza, onboard #Madleen by #FreedomFlotilla.
The ship carried a symbolic amount of aid for Palestinians.#GretaThunberg #RimaHassan#Gaza #Israel
pic.twitter.com/TX2F1GDSVM— Sonia Beloch (@sonia_0707_) June 10, 2025
Ky akt i fundit i Thunberg thekson përkushtimin e saj për një botë më të drejtë, ku solidariteti nuk njeh kufij dhe ku drejtësia mjedisore është e pandarë nga ajo njerëzore.
Përveç fjalimeve të saj të fuqishme në skena ndërkombëtare si OKB, Davos dhe Parlamenti Evropian, Greta vazhdon të jetë një figurë e guximshme që ngre zërin kundër padrejtësive – qofshin ato ekologjike apo politike./Katror.info
