Kompania “Meta”, pronare e rrjetit të njohur social Instagram , ka paralajmëruar futjen e një regjimi të ri për adoleshentët, i cili do t’u japë prindërve kontroll shtesë mbi aktivitetet e fëmijëve të tyre në këtë platformë.
Prandaj, të gjithë përdoruesit nën moshën 18 vjeç , duke përfshirë krijuesit e përmbajtjes, do të transferohen automatikisht në llogaritë e adoleshentëve dhe postimet publike do të jenë të mundshme vetëm me leje të veçantë prindërore. Kalimi në llogaritë e adoleshentëve bëhet automatikisht dhe përdoruesit nën 16 vjeç do të kenë nevojë për leje nga një prind ose kujdestar për të ndryshuar cilësimet e llogarisë së tyre.
Nga ana tjetër, adoleshentët mbi 16 vjeç do të mund të bëjnë korrigjime vetë, përveç nëse profilet e tyre janë ende nën kontrollin e prindërve. Për të parandaluar abuzimet e mundshme, kompania “Meta” njofton testimin e masave që do të parandalojnë adoleshentët të falsifikojnë datën e lindjes apo të krijojnë llogari të reja për të anashkaluar rregullat.
Mundesh me e lexu edhe…
Për të vlerësuar moshën e përdoruesit, Meta do të përdorë mjete të inteligjencës artificiale dhe në rast dyshimi do të kërkojë informacion shtesë si të dhënat e identitetit ose një selfie për të konfirmuar moshën. Kjo është pjesë e planit më të gjerë të kompanisë për të ofruar një mjedis më të sigurt për adoleshentët në rrjetet sociale, duke qenë se ata pritet të përpiqen të anashkalojnë rregullat e reja.
Është e rëndësishme të theksohet se këto rregulla të reja janë pjesë e përpjekjeve të Metës për të përmirësuar mbrojtjen e përdoruesve më të rinj të Instagramit dhe për t’u dhënë prindërve më shumë kontroll mbi aktivitetet e fëmijëve të tyre në platformë./Katror.info
Përgatiti:
